• 13 İyun, 2022, 13:48
• Oxunma (10 Baxış)
• BEYNƏLXALQ, head carousel
• • Tweet

İrəvan Məhkəməsi: Sən İRQÇİSƏN, Armen Qriqoryan!

İrəvan məhkəməsi anti-Azərbaycan, eyni zamanda da rusiyayönümlü mövqeyə malik bloger və prodüser Armen Qriqoryanın həbsi ilə bağlı qərarını dəyişdirməyib. 

Publika.az xəbər verir ki, Armen Qriqoryanın vəkili Ruben Melikyan bu barədə öz Facebook səhifəsində yazıb:

“Lusine Hovhannisyanın sədrlik etdiyi Apellyasiya Məhkəməsi blogger Armen Qriqoryanın həbsi ilə bağlı şikayətimizi təmin etməyib. Biz onun siyasi təqib fonunda həbs edildiyi fikrini irəli sürürük. Məhkəmə isə Qriqoryanı irqi ayrıseçkilikdə və irqi nifrət yaratmaqda suçlayır”. 

Məlumat üçün bildirək ki, blogger Armen Qriqoryan Qriqoryan 2 ay müddətinə həbs edilib.

Bundan əvvəl Ermənistanın Milli Təhlükəsizlik Xidməti Qriqoryanın vətəndaşların milli ləyaqətini açıq şəkildə alçaltdığına görə saxlandığını bildirmişdi.

Qeyd edək ki, Qriqoryan dəfələrlə müxtəlif resurslarda Azərbaycan əleyhinə sərt, təhqiramiz ifadələr işlədib.