• 5 Avqust, 2020, 15:23
• Oxunma (29 Baxış)
• VƏTƏNDAŞ CƏMİYYƏTİ
• • Tweet

“Gənc Vətənpərvərlər” yardım aksiyasına start verib

Gənc Vətənpərvərlər İctimai Birliyi Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyələşdirdiyi "Evdə qalın sizin sağlamlığınız sizi tapacaq" layihəsi çərçivəsində Bakı şəhərinin Xətai, Nəsimi və Binəqədi rayonlarında Pandemiyadan zərər çəkmiş və sosial cəhətdən dəstəyə ehtiyacı olan insanlara ərzaq yardımı və tibbi ləvazimatları göndərib.

Bakı şəhəri Mərkəzi daşınma poçt vasitəsi ilə ərzaq və tibbi ləvazimatların göndərilməsi prosesində poçtun əməkdaşları Ə. Atakişiyev və Ə. Hüseyinov, "Gənc Vətənpərvərlər" İctimai Birliyinin sədri M. Əliyev və təşkilatın könüllüləri iştirak ediblər. Marketdən alınmış ərzaq malları və tibbi-gigeyenik vasitələr poçtun binasında səliqə ilə qablaşdırılıb və təhvil verilib.

Razılaşmaya görə gigeyenik vasitələr ayrıca bağlama şəklində deyil, paketlənərək ərzaq yardımı qutularına poçtun xüsusi yapışqanlı lentləri ilə yapışdırılıb və təhvil verilib. Poct şöbəsinin rəisi ilə təşkilat sədrinin şifahi razılaşmasına uyğun olaraq 4 gündə cəmi 35 bağlama göndərilməsi nəzərdə tutulub.