• 12 May, 2020, 15:04
• Oxunma (17 Baxış)
• BEYNƏLXALQ
• • Tweet

Robert Köçəryan əməliyyat olundu – sabah məhkəməsidir

Ermənistanın ikinci prezidenti Robert Köçəryan bu gün səhər saatlarında əməliyyat olunub. 

Musavat.com erməni mediasına istinadən xəbər verir ki, bununla bağlı eks-prezidentin ofisindən bildirilib.

Məlumata görə, əməliyyat İrəvandakı “İzmirlyan” tibb mərkəzində həyata keçirilib, hansı ki, bir neçə gün əvvəl R.Köçəryan stasionar müalicə almaqdan ötrü təcridxanadan oraya köçürülmüşdü.

Mayın 13-də isə məhkəmə R.Köçəryanın həbsdən azad olunması ilə bağlı şikayətə baxacaq. Bununla bağlı sabiq baş nazirlər Karen Karapetyan, Vazgen Manukyan, Xosrov Arutyunyan, həmçinin Qarabağdakı qondarma rejimin oyuncaq “baş naziri Anuşavan Danielyan məhkəməyə müraciət edib.

R.Köçəryan 1 MART 2008-ci il hadisələrinə görə ittiham olunur. Sonuncu dəfə o, 25 iyun 2019-cu ildə həbs edilib.