Poçtumuza Azərbaycanın Milli Qəhrəmanı, şəhid Qorxmaz Abış oğlu Eyvazovun oğlu Eyvazov Asəmin Respublika Prezidenti cənab İlham Əliyevə ünvanladığı müraciəti daxil olub.

 

Müraciətdə deyilir:

 

"Hörmətli cənab Prezident! 

 

Bu gün ölkəmizdə koronavirus pandemiyasının yarada biləcəyi təhlükənin qarşısının alınması məqsədilə bütün qabaqlayıcı tədbirlər görülüb. Biz inananırıq ki, sizin işgüzarlığınız  və tələbkarlığınız nəticəsində xalqımız bu sınaqdan üzüağ çıxacaq və biz bu bəladan qurtulacağıq.

 

Sizin müsəlləh əsgəriniz olaraq vətəndaşlarımızın, o cümlədən şəhid və Milli Qəhrəman ailələrinin sosial müdafiəsi və onlara  dövlət dəstəyinin göstərilməsi, ölkə əhalisinin aztəminatlı hissəsinin sosial müdafiəsinin gücləndirlməsi sahəsində göstərdiyiniz diqqət və qayğıya görə Sizə, insanlara hüquqi, sosial tibbi yardımlara görə ölkəmizin birinci  Vitse-prezidenti Mehriban xanım Əliyevaya öz dərin minnətdarlığımızı bildiririk.

 

Azərbaycanımızın əmin-amanlıq şəraitində inkişafı üçün yürütdüyünüz siyasətdə sizə uğurlar diləyirəm.

 

Sizin “Biz birlikdə güclüyük” təşəbbüsünüzü dəstəkləyir və xalqımızı bu karantin günlərinin tezliklə və cüzi itki ilə başa çatması naminə hökumətimizin müəyyən etdiyi tələb və qaydalara riayət edərək evdə qalmağa səsləyirəm.

 

Hörmətlə:

Eyvazov Asəm Qorxmaz oğlu,

Azərbaycanın Milli Qəhrəmanı, şəhid Qorxmaz Abış oğlu Eyvazovun oğlu.

Laçın rayonunun Güləbird kəndindən məcburi köçkün.