Bakı
0° C
Şuşa
0° C

Rusiyadan yolların açılması üçün Ermənistana 5 milyardlıq TƏKLİF

Ətraflı

Bərdədə erməni raketi ilə dağıdılmış ev “indi vurulmuş hayk evi” nə döndü…-FOTOLAR

Ətraflı

Ordumuzun azad etdiyi strateji əhəmiyyətli yüksəkliklər – ADLAR

Ətraflı

Ordumuzun erməni təxribatına cavabının yeni görüntüləri – VİDEO

Ətraflı

Ermənilərə qan udduran qəhrəmanımızı azərbaycanlılar niyə öldürdü?

Daşnak polis zabiti formasında olan iki nəfər İrəvanın mərkəzindəki ikimərtəbəli evin qarşısında faytondan düşərək, giriş qapısı qarşısında keşik çəkən erməni əsgərlərinə yaxınlaşır. Əsgərlər zabitlərə təzim edərək onları dərhal içəri buraxırlar. İçəridəki növbətçiyə yanaşan polis zabitləri əllərindəki zərfi ona təqdim edirlər:

– Abbasqulu bəy Şadlinskini istintaqa aparmalıyıq. Bu da sənəd.

Növbətçi zabit sənədi alıb gözdən keçirir. Sonra onu qovluğa qoyub, Abbasqulu bəyin saxlandığı otağın qapısını açaraq bəyi polis zabitlərinə təhvil verir.

Polis zabitləri Abbasqulu bəyi binadan çıxarıb, faytona əyləşirlər. Fayton dəmiryol vağzalının qarşısında dayanır və əyinlərində daşnak polis forması olan iki nəfər Abbasqulu bəyi tələsmədən parovoza mindirirlər. Qatar dərhal Qəmərliyə doğru istiqamət alır. Bayaqdan bircə kəlmə kəsməyən polis zabitləri yol boyu susurlar. Vaqonun pəncərəsindən çölə baxan Abbasqulu bəy başa düşür ki, tanımadığı bu adamlar onu istintaq bəhanəsi ilə qaçırıblar.

Bütün bunlar ermənilərə qan uddurmuş, aldadılaraq həbs edilmiş Abbasqulu bəy Şadlinskinin düşmənlərimizə qarşı mübarizəsinin ikinci mərhələsinin başlanğıcı idi.

Publika.az araşdırmaçı Əziz Ələkbərlinin topladığı faktlar əsasında Azərbaycan xalqının qəhrəman və vətənpərvər oğlu Abbasqulu bəy Şadlinskinin həyatının ən maraqlı məqamlarını təqdim edir:

Vedibasarın 26 yaşlı su rəisi

1886-cı ilin 24 fevralında İrəvan quberniyasının İrəvan qəzasının Vedi nahiyəsinin Böyük Vedi kəndində doğulmuş Abbasqulu bəy uşaqlıqdan çevik, qoçaq, eyni zamanda ağıllı və diribaş idi. Səkkiz yaşı tamam olanda atası onu Böyük Vedidəki rus tatar məktəbinə qoyur. Həmyaşıdları arasında ağıllı davranışı, gözəl qavrama qabiliyyəti ilə seçilən Abbasqulu Böyük Vedi məktəbini yüksək göstəricilərlə bitirib təhsilini davam etdirmək üçün İrəvan gimnaziyasına yollanır. Buranı da bitirdikdən sonra Qori seminariyasına yola düşür. Lakin “Böyük Ermənistan” xülyası ilə yaşayan ermənilər Naxçıvanda və İrəvanda milli qırğınlar törətdikdə Abbasqulu bəy təhsilini yarımçıq qoyaraq geri qayıdır.

Əziz Ələkbərlinin sözlərinə görə, hələ 26 yaşında ikən Vedibasarın mirabı – su rəisi vəzifəsinə seçilən Abbasqulu bəy Şadlinski atasının torpaqlarının bir qismini kəndlilərə bağışlayaraq əkin sahələrində onlarla birlikdə işləməyə başlayır: “Bəy oğlunun kəndlilərlə birlikdə işləməsi digər bəylərin acığına gəlir. Lakin Şadlılar tayfasının nüfuzuna görə heç kim ona heç nə deyə bilmir”.

1917-ci ilin oktyabrında erməni silahlı dəstələrinin Tiflis, İrəvan quberniyalarında və digər ərazilərdə azərbaycanlılara hücumları başlayır: “İrəvan quberniyası, Vedi nahiyəsinin rəisi, 32 yaşlı Abbasqulu bəy sakinləri ermənilərdən qorumaq üçün silahlı dəstə yaratmağa başlayır. Həmin dəstə xalq arasında “Mübariz dəstə” adı ilə məşhurlaşır.

Bu dəstəni Abbasqulu bəy təkbaşına yaradır. Vedibasarda əli silah tutanların hamısı onun dəstəsində döyüşür. Fikir verin, 1918-ci ildə dağıdılan kəndlərin siyahısında Vedinin bircə kəndi belə, yoxdur. Çünki Abbasqulu bəy ermənilərin Vediyə girmələrinə icazə vermirdi”.

İlk Milli Hökumətin yaradıcısı

Müsahibim maraqlı fakta toxundu: “Əslində 1917-ci ilin dekabrında ilk Milli Hökuməti Abbasqulu bəy yaratmışdı. Türklər ona köməyə gələndə deyir ki, siz Naxçıvanı qoruyun, buranı özüm mühafizə edəcəm. O, “Mübariz dəstə”si ilə Vedini qoruyur. Onun xarici işlər bölməsi, məhkəməsi, həbsxanası, 11 nəfərdən rəhbər orqanı, ağsaqqallar şurası vardı. Hökumətin və qoşunun başında Abbasqulu bəy dayanırdı. Əhalini yumruq kimi elə birləşdirmişdi ki, bəyin bir sözünü kimsə iki edə bilməzdi.

Ermənilərə qarşı mübarizədə Abbasqulu bəy Kərbəlayı İsmayıla kömək edir, dəstəsini dağ kəndlərinə göndərirdi.

Məhz Abbasqulu bəyin qəhrəmanlıqları sayəsində erməni Dronun dəstəsi Zəngəzurdan, Mehridən qovuldu və İrana qaçdı. Bütün bunlar onun və dəstəsindəki mübarizlərin tarixi xidmətlərinin bəhrəsi idi. Yeri gəlmişkən, “Qarlı aşırım” romanında və “Axırıncı aşırım” filmində əks etdirilənlərdən fərqli olaraq Abbasqulu bəy heç də sovet hakimiyyəti uğrunda döyüşməyib. Onun ermənilərə qarşı davası milli dava idi”.

Keşişdağ, Şahablı və Qədirli faciələrinin intiqamçısı

Daşnakların Böyük Vedi kəndinə ilk hücumu 1918-ci ilin mayının sonlarında baş verir: “Ermənilər əsas qüvvələrini İrəvandan gətirib Qəmərliyə toplayırlar. Kəşfiyyat məlumatları əsasında güc toplayan Abbasqulu bəy döyüşə hazırlaşır. Səhərə yaxın Ağdağ tərəfdən kəndə top mərmiləri yağdırılır. Ermənilərin zirehli qatarları Qaralar, Şirazlı, Avşar və digər kəndlərimizi top atəşinə tutur. Lakin hər iki cəbhədə Abbasqulu bəyin “Mübariz dəstəsi” erməniləri darmadağın edir”.

Daşnak hökuməti erməni silahlı dəstələrinə qan uddurub onları geri oturdan Abbasqulu bəyə 1918-ci ilin 3 iyulunda ölüm hökmü kəsir: “1918-ci ilin yayında ermənilər Böyük Vedi üzərinə ikinci dəfə hücum edirlər. Daşnaklar Keşişdağda və digər ərazilərdə yüzlərlə dinc sakini – qadını, uşağı, qocanı güllələyir, qılıncdan keçirirlər. Bu vaxt Kərbəlayı İsmayıl və Abbasqulu bəy növbəti dəfə erməniləri geri oturdurlar. Düşmən yenə dinc dayanmır və Şahablı, Qədirli kəndlərinə soxularaq sakinləri qılıncdan keçirir. Lakin geri çəkilən düşmən qarşısında Abbasqulu bəyi görür. Döyüş başlayır. Abbasqulu bəyin dəstəsi bu dəfə də düşmənə qan uddurur. Ermənilər çoxlu sayda yaralı və meyiti, o cümlədən ermənilərin hərbi hissə komandiri Vahanın da nəşi meydanda qoyub geri çəkilir.

Ümumilikdə Abbasqulu bəy öz dəstəsi ilə 3 il ərzində – 1918-1921-ci illərdə ermənilərin bütün hücumlarının qarşısını aldı. Daşnaklar neçə dəfə İrəvandan Vediyə hücum etdilər. Lakin bəy erməniləri ağır məğlubiyyətə uğradıb geri oturtdu. Hətta bir dəfə ermənilərin zirehli qatarını ələ keçirib silahları müsadirə etdilər”.

Zaman keçdikcə ermənilərin və sovet Rusiyasının Azərbaycan xalqına qarşı yeni-yeni xəyanətləri və ağır cinayətləri üzə çıxır, tarixin qaranlıq səhifələrində gizli qalmış məqamların üstü açılır. Ötən əsrin 20-ci illərində daşnaklara qarşı mübarizə apararaq Azərbaycanın ərazi bütövlüyü uğrunda silaha sarılmış, 30-cu illərdə isə naməlum şəkildə öldürülmüş Abbasqulu bəy Şadlinskinin müəmmalı qətli də bu qəbildəndir. Lakin zaman keçdikcə araşdırmaçılarımız, o cümlədən tədqiqatçı Əziz Ələkbərli həmin dövrü tədqiq edərək erməni xəyanətkarlığına dair bir sıra faktları üzə çıxarıblar.

Publika.az araşdırmaçı Əziz Ələkbərlinin topladığı faktlar əsasında Azərbaycan xalqının qəhrəman və vətənpərvər oğlu Abbasqulu bəy Şadlinskinin həyatının ən maraqlı məqamlarını təqdim edir.

Yazının birinci hissəsi ilə buradan tanış ola bilərsiniz.

Erməni nazirdən etiraf: “Abbasqulu bəy bizi məğlub etdi”

Əziz Ələkbərli qeyd etdi ki, Daşnak Respublikasının ilk baş naziri Ohanes Kaçaznuni döyüşlərdə dəfələrlə Abbasqulu bəy Şadlinskiyə məğlub olub: “1921-ci ildə Parisdə Daşnaksütyun Partiyasının qurultayında “Biz niyə məğlub olduq?” sualı qoyulur. Kaçaznuni hesabat verir və məğlubiyyətin səbəblərindən birini belə izah edir: “Biz 1918-1920-ci illərdə Vedibasarın və Şərurun üzərinə qoşun göndərdik və oranı güc yolu ilə tabe etməyə çalışdıq. Bizim birinci səhvimiz o idi ki, həmin əraziyə qoşun göndərdik. İkinci səhvimiz isə bu idi ki, ora qoşun göndərsək də məğlub olduq”.

Bütün bunlar Abbasqulu bəyin xidmətlərinin nəticəsidir: “Birinci Dünya Müharibəsinin sonlarında ermənilər ingilislərlə birlikdə Vediyə gəldilər. Bildirdilər ki, artıq bu ərazi Antantanın ixtiyarındadır. Lakin Abbasqulu bəy ermənilərə “rədd olun ingilislərlə birlikdə”- deyərək onları bölgədən qovur”.

Lakin qüvvələr nisbəti qeyri-bərabər idi: “Güclü daşnak ordusu 1920-ci ilin yayında Abbasqulu bəyi mühasirəyə aldı. O, mühasirəni yarıb Sədərəyə keçdi. Gördü ki, burada bir nəfər azərbaycanlı qalmayıb. Oradan da Şərura üz tutdu. Daha sonra İrana keçirmək, bütün əhalini düşmənin atəşi altından çıxarmaq istəyirdi. Lakin İran sərhədçiləri buna icazə vermədilər. Belə olduqda Abbasqulu bəy İran sərhədçilərindən ikisini öldürüb, əhalini İrana keçirdi”.

1919-cu ildə ingilislər danışıq adı altında Vediyə gəlirlər: “Onlar Abbasqulu bəyi danışıqlar adıyla zirehli qatara dəvət edirlər. O, qatara danışıq aparmaq üçün daxil olanda bəyi tələyə salıb, həbs edirlər. Qatar İrəvana istiqamət alır. Bəyi həbs edirlər. Azərbaycan Cümhuriyyətinin nümayəndələri İrəvandakı nümayəndə Məhəmməd xan Təkinskiyə teleqram vurub, təcili surətdə Abbasqulu bəyi həbsdən azad etməyi tapşırırlar. Gecə ilə Abbasqulu bəyi həbsdən qaçırırlar”.

“Nə qədər ki o sağ idi, ermənilər heç kimə toxuna bilmirdi”

Bundan sonra o, Vediyə rəhbərliyi davam etdirir: “Təəssüf ki, Abbasqulu bəyin qoruduğu zona neytral ərazi olduğundan o, Azərbaycan Xalq Cümhuriyyətinə birləşə bilmirdi. 1920-ci ilin aprelində Azərbaycanda sovet rejimi quruldu. Sentyabrda sovet hökuməti Abbasqulu bəyi geri çağırdı. Bir az sonra onu “Qırmızı tabor”a komandir təyin etdilər. Nəriman Nərimanovun və Abbasqulu bəyin xidmətləri sayəsində azərbaycanlılar ata-baba yurdlarına – Vedibasara qayıda bildilər. Torpaqlarımız daşnaklardan təmizləndi. Əgər o ərazidə sovet hökuməti yaradılmasaydı, soydaşlarımız öz yurdlarına qayıda bilməyəcəkdilər”.

Araşdırmaçının sözlərinə görə, nə qədər ki Abbasqulu bəy sağ idi, ermənilər Vedibasarda bir nəfərə bələ toxuna bilmirdilər: “Qırmızı tabor İrəvanı, Şəruru, Dərələyəzi, Zəngəzuru erməni daşnaklarından təmizlədi. Abbasqulu bəy 1921-ci ilin sentyabrından – Azərbaycanın sovet işğalı dövründə də ermənilərə qarşı döyüşür, onlara qan uddururdu. O, milli davasını aparırdı. Qərbi Azərbaycan, indiki Ermənistan ərazisindən erməni daşnaklarının çıxarılması Abbasqulu bəyin tarixi xidmətlərinin bəhrəsidir.

1921-ci ildə müharibə başa çatdı, Abbasqulu bəy Zəngəzurdan Naxçıvana – Qırmız taborun yaradıldığı yerə qayıtdı. Həmin Naxçıvan Milli Hökuməti yaradıldı və Abbasqulu bəy onun üzvü oldu. Sənədlərdə onun adındakı bəy sözünü çıxarıb sadəcə Şadlinski sözünü yazırlar. Abbasqulu bəy Naxçıvan qarnizonunun rəisi olaraq bir neçə il onun sərhədlərini qoruyur”.

Erməni təhlükəsi sovuşur. Dinclik dövründə Abbasqulu bəy Vediyə qayıdır: “O, hökumətə müraciət edərək Vedibasar ərazisində, Dəvəli kəndinin əhəng qayaları yaxınlığında əhəng zavodunun əsasını qoyur və onu tikdirir. Yeri gəlmişkən, Dəvəli sement zavodu bu gün də fəaliyyət göstərir və Ermənistanı əhənglə təmin edir”.

“Bolşevik və ermənilərin Abbasqulu bəyi məhv planı”

“Axırıncı aşırım” filmində də göstərildiyi kimi, 1930-cu ildə zavodun inşası zamanı onu çağırıb Kərbəlayı İsmayılla danışıqlara göndərirlər. Abbasqulu bəy bilirdi ki, Kərbəlayı İsmayıl sovet hökumətinə heç nə edə bilməyəcək. Onun Kərbəlayı ilə görüşə getməsində məqsəd qardaş qanının tökülməsinin qarşısının alınması idi. Abbasqulu bəy bolşeviklərdən Kərbəlayı İsmayıl silahı yerə qoyacağı təqdirdə ona və silahdaşlarına toxunulmayacağı ilə bağlı təminat alır. Bəy 1930-cu ilin martında Kərbəlayı İsmayılla görüşə Vedinin kolxoz sədri, bölük komandirlərindən biri olmuş Xəlillə gedir. Sonradan onlara Vedinin raykomunun təbliğat-təşviqat şöbəsinin müdiri Müzəffər Talıbovu da qoşurlar. Talıbova müəyyən tapşırıq verilmişdi”.

Bolşevik-erməni birliyi Abbasqulu bəyi məhv etmək, Kərbəlayı İsmayılı isə zəiflətmək üçün məkrli plan hazırlayırlar: “Abbasqulu bəyin, Xəlilin və Talıbovun səfərindən bir gün əvvəl gecə Kərbəlayı İsmayılın yanına adam göndərirlər. Həmin şəxs qaçaqlara deyir ki, Abbasqulu bəy sizin yerinizi öyrənməyə gəlir. Bəy geri qayıtdıqdan sonra üstünüzə qoşun göndərəcək. Abbasqulu sizi satıb.

Fikir verin, bir tərəfdən Abbasqulu bəyi Kərbəlayı ilə görüşə göndərirlər, digər tərəfdən isə qaçaqları bəyin üstünə qaldırırlar. Qaçaqlar onlara göndərilən məktubu oxuyurlar. Bolşevik-erməni hiyləsinə inanan qaçaqlar deyirlər ki, bəy bizi satıb, yerimizi öyrənmək istəyir. Qərara alırlar ki, Abbasqulu bəyi öldürsünlər. Onun ölümü barədə fitva 1 gün əvvəldən verilir”.

Şadlinskiyə kimlər güllə atmışdı?

Abbasqulu bəy, Xəlil və Talıbov əvvəlcə Qarabağlara, sonra Əzizkəndə və Kolanıya getsələr də, Kərbəlayını tapa bilmirlər. Buna görə də geri qayıtmalı olurlar: “Axırıncı açırım” filmində Abbasqulu bəyin görüşə guya silahsız getdiyi bildirilir. Amma bunun əksinə olaraq Abbasqulu bəy heç vaxt silahı belindən açmazdı.

Qaçaqlar tərəfindən ilk güllə Kərbəlayının qardaşı oğlu Məhərrəm tərəfindən atılır və Xəlilin qoluna dəyir. Abbasqulu əyilib, Xəlilin tüfəngini götürmək istəyəndə ikinci güllə bəyin qolundan dəyir. O, dərəyə yıxılır. Bir qədər keçir. Qaçaqlar onun ölüb-ölməməsinə əmin ola bilmirlər. Abbasqulu bəy papiros yandıranda qaçaqların hamısı papirosun közünə atəş açır. Güllələrdən biri bəyin başından dəyir”.

Araşdırmaçı qeyd etdi ki, Abbasqulu bəyə güllə atanlar arasında Məhərrəm, Qəmlo, Bəhlul və digərləri olub: “Fakt budur ki, qaçaqlar erməni hiyləsinin qurbanı oldular. Ermənilər bu tələni Abbasquluya quraraq bəyi aradan götürdülər. Çünki o, mahalda ermənilərə qarşı 3 il mübarizə aparıb düşmənlərimizə qan uddurmuşdu”.

İrəvanda 80-ci illərə qədər büstü qalan azərbaycanlı

Tədqiqatçı xüsusi olaraq vurğulayır ki, bütün bunlar ermənilərin əli ilə həyata keçirildi: “Əvvəla, Abbasqulu bəy heç vaxt qaçaqları, el oğullarını satmazdı. Faktlar göstərir ki, baş verənlər erməni hiyləsi idi.

Əgər SSRİ-də repressiyada 1937-ci ildə başlamışdısa, Vedibasarda dinc əhaliyə divantutmaya 30-cu illərin əvvəllərində start verildi. İki qohum – Kərbəlayı İsmayılla Abbasqulu bəyin arasını vuran və Şadlinskinin öldürülməsini gizli yolla təşkil edən sovet Ermənistanının daşnak hökuməti (Ermənistan SSRİ-də də hökumətin tərkibində xeyli daşnak vardı) Vedibasarda vaxtilə ermənilərə qarşı döyüşmüş yüzlərlə soydaşımızı sürgün etdi, güllələdi, ailələrini didərgin saldı.

Yeri gəlmişkən, əgər Kərbəlayı öldürülsəydi, Abbasqulu bəy sağ qalsaydı, Vedidə bir nəfərin belə, burnu qanamazdı. Çünki Abbasqulu bəyin nüfuzu çox idi. Onun öldürülməsi ermənilərə Vedidəki soydaşlarımıza, o cümlədən 1918-1921-ci ildə daşnaklara qarşı döyüşmüş insanlara divan tutmağa imkan verdi”.

Abbasqulu bəy öldürüldükdən sonra böyük Vedi kəndində, orta məktəbin qarşısında Xəlillə birlikdə dəfn edilir: “Onun dəfni təntənəli şəkildə həyata keçirildi. Mərasimə xeyli rəsmi şəxs qatılmışdı.

Onların dəfn edildiyi ərazidə sonradan zavod da tikildi. Abbasqulu bəyin tarixi xidmətlərini ermənilər də etiraf edirdilər. Belə ki, 80-ci illərə qədər İrəvandakı tarix muzeyində bəyin büstü qalmaqdaydı”.

Yeri gəlmişkən, tarixçi “Qarlı aşırım” romanının yazılması və “Axırıncı aşırım” filminin çəkilişi ilə bağlı maraqlı fakta toxundu: “60-cı illərdə ermənilər Andronikin xatirəsini əbədiləşdirmək məsələsini qaldırdı. Onda Moskva daşnakı əbədiləşdirmək istəyən İrəvana sərt reaksiya verdi və Ermənistan rəhbərliyi cəzalandırıldı. Belə olduqda Fərman Kərimzadə bu əsəri yazmağa başladı və sonra həmin roman əsasında film çəkildi”.

Tədqiqatçı hesab edir ki, ermənilər Abbasqulu bəyin məzarını çoxdan dağıdıblar. Bu arada digər faktı qeyd etmək yerinə düşür. Müsahibim bildirdi ki, Kərbəlayı İsmayılla görüşə Abbasqulu bəy və Xəlillə birlikdə getmiş bolşevik Talıbovun əsl missiyası bu günə kimi məlum deyil: “Fikir verin – qaçaqlar Abbasqulu bəyi və Xəlili öldürdülər. Onlar yanaşı dəfn edildilər. Bəs Talıbov hanı? Qaçaqlar ona niyə toxunmadılar? Abbasqulu bəyin dəfnindən sonra onu Vedidən çıxardılar. Məncə, bu, təsadüfi deyil. Ortada müəmmalı məqamlar var”.

Anar Tağıyev

No Comments »

Bir cavab yazın

Sizin e-poçt ünvanınız dərc edilməyəcəkdir.

Xəbər lenti

• 20.09.2022, 10:53

Kosmik teleskopdan möhtəşəm görüntü – FOTO

• 20.09.2022, 9:58

MN: “Laçında 100 mina zərərsizləşdirilib” – FOTOLAR

• 20.09.2022, 9:56

Blinkendən Əliyevə gecə zəngi – ABŞ Ermənistanı intihara sürükləyir

• 20.09.2022, 9:02

“Əsrin müqaviləsi”nin imzalanmasından 28 il ötür

• 20.09.2022, 8:48

Azərbaycanın üç stolüstü tennisçisi erməni rəqiblərinə qalib gəlib

• 20.09.2022, 8:41

Ceyhun Bayramov üçtərəfli görüşdə Azərbaycanın mövqeyini AÇIQLADI

• 20.09.2022, 8:39

Blinken, Bayramov və Mirzoyan arasında görüş keçirilib

• 20.09.2022, 8:38

“İlham Əliyev və Paşinyan sülhə hazır olduqlarını bildirdilər” – Blinken

• 20.09.2022, 8:37

Rusiyadan yolların açılması üçün Ermənistana 5 milyardlıq TƏKLİF

• 16.09.2022, 9:28

KTMT Paşinyana “yox ”dedi – sərhəddə təxribatların davam etməsinin səbəbi nə?

• 16.09.2022, 9:25

“Qarabağ”ın qrupdakı ilk qələbəsindən şəkillər

• 16.09.2022, 9:24

“Qarabağ” Prezidentə təşəkkür etdi – Şəkil

• 16.09.2022, 9:23

“Bu qələbə Qarabağ adına, Azərbaycan adına yaraşır” – Qara Qarayev

• 16.09.2022, 9:22

“Avroliqada pley-off mərhələsinə yüksəlmək istəyirik” – Qurban Qurbanov

• 16.09.2022, 9:21

Bərdədə erməni raketi ilə dağıdılmış ev “indi vurulmuş hayk evi” nə döndü…-FOTOLAR

• 15.09.2022, 17:10

Ordumuzun azad etdiyi strateji əhəmiyyətli yüksəkliklər – ADLAR

• 15.09.2022, 14:16

Azərbaycan icması Ermənistanın sərhəd təxribatı ilə bağlı Fransa hökumətinə müraciət ünvanlayıb

• 15.09.2022, 14:09

Ermənistan hökümətinin iclası təxirə salındı

• 15.09.2022, 14:05

Ordumuzun erməni təxribatına cavabının yeni görüntüləri – VİDEO

• 15.09.2022, 14:04

Daha 21 şəhidimizin adı açıqlandı – YENİ SİYAHI

• 15.09.2022, 13:15

Azərbaycan qalib tərəfdir və sülhün tərəfindədir – MÜSAHİBƏ

• 15.09.2022, 13:14

Ötən gün ermənilərə dəstək verən ukraynalı müğənninin Bakıdakı konserti LƏĞV EDİLDİ

• 15.09.2022, 13:11

Bakı mantaşovların, şaumyanların şəhərinə necə dönmüşdü? – 15 sentyabr qurtuluşu…

• 15.09.2022, 13:10

Ermənistan parlamentində dava düşdü – VİDEO

• 15.09.2022, 13:07

KTMT ölkələrindən Ermənistana RƏDD CAVABI

sorğu

İşğal olunmuş torpaqlarımızın azad olunacağına inanırsız?

ən çox oxunanlar

Noyabr 2016
BE ÇA Ç CA C Ş B
 123456
78910111213
14151617181920
21222324252627
282930