“Qarabağ”ın topla yaxşı oynadığını bilirik. Texniki cəhətdən güclü komandadır. Ona görə də bizi çox güclü komandaya qarşı çətin oyun gözləyir”.

Qol.az-ın məlumatına görə, bu sözləri “Düdelanj”ın hücumçusu Deyv Turpel Lüksemburq mətbuatına açıqlamasında deyib.

Çempionlar Liqasının II təsnifat mərhələsində bu axşam qarşılaşacaqları “Qarabağ”la oyun haqda danışan 23 yaşlı yaşlı futbolçu rəqibin favorit olduğunu bildirib: “Biz necə müdafiə olunacağımızı bilmək üçün “Qarabağ”ın oyunlarının videoyazılarını izləmişik. Rəqib aşkar favoritdir. Bu müzakirə olunmamalıdır. Elə onların ötən mövsümkü oyunlarının videoyazılarını izləmək kifayət edər. Ancaq yaxşı nəticə qazanmaq üçün hər zaman şans var. Əgər ağıllı və diqqətli oynasaq, nəsə edə bilərik. Biz də bütün mövsüm ərzində yaxşı oyun sərgiləmək üçün çalışmışıq”.

Qeyd edək ki, bu axşam Tofiq Bəhramov adına Respublika stadionunda keçiriləcək “Qarabağ” – “Düdelanj” oyunu saat 21:00-da başlayacaq.