Ermənistan qriqoryanlıqdan katolikliyə doğru…
Roma Papasının üç günlük səfərlə Ermənistan ziyarəti maraqlı hadisələrlə yadda qalıb. Belə ki, səfər zamanı Vatikan lideri Ermənistanın katolik mərkəzi sayılan Gümri şəhərində olarkən “Latin liturgiyası” mərasimini keçirməsi və qriqoryan məzhəbli xristianların və rəsmilərin də bu mərasimə qatılaraq dualar etməsi Ermənistan ictimaiyyətinin narazılığına səbəb olub. Eyni buna bənzər hadisənin bir il öncə Ermənistan Apostol kilsəsinin nümayəndə heyətinin Romada olarkən katolik məzhəbinin tələb etdiyi qaydada ibadət etmələri və ritualları yerinə yetirmələri də Ermənistanda məzhəbdən yayınaraq qriqoryanlığa xəyanət kimi qiymətləndirilmişdir. Hakimiyyətin erməni xalqının inanclarını heçə sayaraq qriqoryan məzhəbindən imtina edərək katolik məzhəbinə yer verməsi ermənilərin etirazina səbəb olub.
Həmçinin Dünya katoliklərinin dini rəhbərinin kortejini “Genosit 1915” xatirə kompleksinin yerləşdiyi Tsitsernakaberd yüksəkliyində Ermənistan prezidenti Serj Sarkisyan və xanımı Rita Sarkisyan qarşıyalarkən prezidentin xanımının qaydalara uyğun geyimdə olmaması, başını və sinə nahiyəsini açıq qoyması Roma papasına və qondarma abidələrinə hörmətsizlik kimi qiymətləndirilib.
Qeyd edək ki, Roma Papasının Ermənistana səfəri iyunun 24-də başlayıb. Papa Francisi həmin gün Ermənistan prezidenti qəbul edib. Qəbul mərasimində də prezident Sarkisyanın Papadan öncə kürsüdə əyləşməsi və yenidən qalxaraq Papaya yer göstərməsi dünya ictimaiyyəti tərəfindən gülüşlə qarşılanmışdır. Səfər 26 iyun tarixində başa çatıb.
yk news tv
