• 24 İyun, 2016, 14:00
• Oxunma (84 Baxış)
• Gündəm, head carousel
• • Tweet

İrəvan Moskvaya qarşı: Ermənilər Kəlbəcərdə də…

Ermənilər İrəvandan sonra indi də Azərbaycanın işğal altında saxladıqları Kəlbəcər rayonunda Njdenin heykəlini qoyublar.

yknews.az axar.az-a istinadən bildirir ki, bu barədə məlumatı Regional və Sabitlik Mərkəzi əldə edib.

Mərasimdə iştirak edən və Ermənistandan gələn qonaqlar üzərində faşistin şəkli həkk olunmuş köynəklər geyiniblər.

Məlumata əsasən, faşizmi təbliğ edən köynəklərin Ermənistanda istehsal səviyyəsində buraxılması göstərir ki, prosesə ölkə rəhbərliyi tərəfindən icazə verilib.

Bildirilir ki, Rusiyanın etirazına baxmayaraq, Ermənistan rəhbərliyi yuxarıda sadalanan faktlara qarşı nəinki heç bir tədbir görmür, əksinə, bu yöndə edilən təşəbbüsləri daim dəstəkləyir.

Xəbərdə əks olunan şəkillər Kəlbəcərdə çəkilib.

Qeyd edək ki, bu ilin mayın 28-də, Ermənistanın Respublika Günündə, İrəvanda Qaregin Njdenin abidəsinin açılışı olub. Açılış mərasimində Ermənistan prezidenti və yüksək səviyyəli şəxslər iştirak ediblər.

Ermənistanın bu addımı Rusiya və İsraildə etirazlarla qarşılanıb.