• 13 İyun, 2016, 15:02
• Oxunma (54 Baxış)
• BEYNƏLXALQ
• • Tweet

Özbəkistan portalı: “Ermənistanın Dağlıq Qarabağı tanıması mümkün deyil”

Azərbaycanın Özbəkistandakı səfirliyi, bu qurumun nəzdindəki Heydər Əliyev adına Azərbaycan Mədəniyyət Mərkəzinin təşəbbüsü ilə “Ziyouz.uz” portalında Ermənistan-Azərbaycan, Dağlıq Qarabağ münaqişəsindən bəhs edən məqalə yayılıb.Məqalədə Dağlıq Qarabağın siyasi və hüquqi cəhətdən Azərbaycanın ərazisi olduğu vurğulanır.Qeyd edilir ki, dünyanın heç bir ölkəsi Dağlıq Qarabağın Azərbaycan ərazisi olduğunu inkar etmir, hətta Ermənistanın özü belə Dağlıq Qarabağı tanımayıb və bu, mümkün deyil.Oxucuların diqqətinə çatdırılır ki, Ermənistan Azərbaycanın Dağlıq Qarabağ regionunu və ona bitişik 7 rayonunu işğal edib, nəticədə 1 milyon azərbaycanlı öz yurd-yuvalarından qovulub, qaçqın və məcburi köçkün vəziyyətinə düşüb. BMT-nin Təhlükəsizlik Şurası Ermənistanın işğal etdiyi Azərbaycan torpaqlarının qeyd-şərtsiz boşaldılması ilə əlaqədar dörd qətnamə qəbul edib. Lakin işğalçı dövlət hələ də bu qətnamələri yerinə yetirmək istəmir.