Bu gün Avropa çempionatında qrup mərhələsinin daha 3 oyunu keçiriləcək. ANS PRESS-in məlumatına görə, ikinci oyun günündə A və B qruplarının ilk turuna yekun vurulacaq. İlk olaraq A qrupunda Albaniya İsveçrə qarşılaşacaq.

“Qarabağ” klubunun formasını geyinən Ansi Aqollinin çıxış etdiyi Albaniya millisi İsveçrə yığması ilə münasibətlərinə aydınlıq gətirəcək. Qrupun əsas favoriti turnir sahibi Fransa yığması olsa da  İsveçrə ilə Albaniya öz şanslarını sınayacaq.

B qrupunda isə Uels-Slovakiya və İngiltərə-Rusiya oyunları baş tutacaq. Gecənin ən maraqlı oyunu Marseldə olacaq. Oyundan əvvəl ingilis və rus azarkeşlər arasında böyük iğtişaşlar baş verib. Qarşıdurmanın favoriti İngiltərə yığması hesab olunur. Lakin Rusiya yığması müdafiə xəttini gücləndirərək əks hücumları ilə qol vurmağa çalışacaq.

17:00. Albaniya-İsveçrə

Baş hakim: Karlos Velasko Karbalyo

Yan xətt hakimləri: Roberto Alonso Fernandes, Xuan Karlos Yuste Ximenes

B qrupu:

20:00. Uels-Slovakiya

Baş hakim: Sveyn Oddvar Moen

Yan xətt hakimləri: Kim Tomas Haqlund, Frank Andas

23:00. İngiltərə-Rusiya

Baş hakim: Nikola Ritsoli

Yan xətt hakimləri: Elenito Di Liberatore, Mauro Tonolini