Bu gün ABŞ-ın Azərbaycandakı səfirliyində “Azıxantrop” Tarixi Araşdırmalar İctimai Birliyinin sədri Rəsmiyyə Babayeva ilə Dipolomatik Heyətin üzvü Cennifer Həm,Sosial Media məsələləri üzrə əlaqələndirici Uil Nelson, mətbuat xidmətinin nümayəndəsi Brayn Forman görüş keçirilib. yknews.az-ın məlumatına görə, Rəsmiyyə Babayeva əvvəlcə təşkilatın fəaliyyəti barədə səfirliyin əməkdaşlarının suallarını cavablandırıb. Sonra isə Dağlıq Qarabağ münaqişəsi və bu münaqişənin ağır nəticələri müzakirə edilib.

“Azıxantrop” Tarixi Araşdırmalar İctimai Birliyinin sədri Rəsmiyyə Babayeva Dağlıq Qarabağ münaqişəsində Ermənistanın terrorçu siyasətini və bu terrorun acı nəticələri haqda faktları – 1992-1993- cü illərdə itkin düşmüş, girov götürülmüş azərbaycanlıların, xüsusilə 60 nəfər yetkinlik yaşına çatmayan uşaqlar,girovluqdan azad edilən,lakin şikəst yaşayan insanların taleyi haqqında informasiyanı və girovluqda şikəst edilmiş uşaqların fotoşəkillərini səfirliyin əməkdaşlarına təqdim edib. Səfirliyin əməkdaşları 2016-cı il aprel tarixində cəbhədə baş verən hadisələr zamanı ABŞ dövlətinin bu məsələdə Azərbaycanın ərazilərinin azad edilməsi və Ermənistanın Dağlıq Qarabağda hərbi təxribatlarına etiraz edtiyi, Dövlət katibi Con Kerrinin bəyanatını nəzərə çatdırıblar .

Xanım Cennifer Həm Amerika səfirliyinin girovluqda olan və azad edilən, lakin şikəs edilən insanlarla bağlı layihələrin gerçəkləşməsi üçün “Azıxantrop” Tarixi Araşdırmalar İctimai Birliyinə siyasi və maddi dəstək göstərməyə hazır olduğunu bildirdi. Görüşün sonunda “Azıxantrop” Tarixi Araşdırmalar İctimai Birliyinin rus dilində nəşr etdiyi Henrix Tomson “Bakı xatirələri : 1914-1921- ci illər”,Əsir və itkin düşmüş,girov götürülmüş vətəndaşlarla əlaqədar Dövlət Komissiyasının ingilis dilində nəşri “Bizi əsirlikdən qurtarın” kitabları Dipolomatik Heyətin üzvü Cennifer Həmə təqdim edilib.