• 4 İyun, 2016, 1:10
• Oxunma (70 Baxış)
• head carousel, Siyasət
• • Tweet

Əliyev və Sərkisyan razılaşdı – Görüş olacaq

ATƏT-in Minsk Qrupunun həmsədrləri Ceyms Uorlik (ABŞ), Pyer Andrie (Fransa) və İqor Popov (Rusiya) Azərbaycan və Ermənistan XİN rəhbərləri Elmar Məmmədyarov və Edvard Nalbəndyanla 2 iyun görüşünün nəticəsi olaraq bəyanat yayıblar.

Axar.az erməni mediasına istinadla xəbər verir ki, bəyanatda bildirilir:

“Nazirlər Qarabağ münaqişəsinin sülh yolu ilə nizamlanması üzrə öhdəliklərini təsdiqləyiblər. Həmsədrlər ATƏT-in fəaliyyətdə olan sədrinin şəxsi nümayəndəsinin səlahiyyətlərinin genişləndirilməsi haqqında kəşfiyyat mexanizmlərinin tətbiqi barədə ATƏT-in sənədlərini onlara təqdim edib. Nazirlər Azərbaycan və Ermənistan prezidentlərinin danışıqların növbəti raundunu iyunda keçirməyə razı olduqlarını bildiriblər”.

Qeyd edək ki, həmsədrlərin açıqlamasında görüşün dəqiq vaxtı və yeri barədə məlumat verilməyib.