• 18 May, 2016, 14:36
• Oxunma (109 Baxış)
• Gündəm
• • Tweet

Laçın ictimaiyyəti anım tədbiri keçirdi

Mayın 18-i Laçın rayonunun Ermənistan silahlı qüvvələri tərəfindən işğalından 24 il ötür. Bununla əlaqədar Laçın Rayon İcra Hakimiyyətinin təşkilatçılığı ilə tədbir keçirilib. Laçın rayon icra hakimiyyəti başçısı səlahiyyətlərini icra edən Aqil Nəzərli, Milli Məclisin deputatı Mahir Abbaszadə, rayon ictimaiyyətinin nümayəndələri Taxtakörpü qəsəbəsində şəhidlərinin xatirəsinə ucaldılmış “Xatirə Kompleksi”ni ziyarət ediblər. Ölkəmizin ərazi bütövlüyü uğrunda çanlarından keçən oğul və qızlarımızın xatirəsi yad edilib, şəhidlərin məzarı üzərinə qərənfillər düzülüb.

Tədbir iştirakçıları 2-5 aprel döyüşlərində qəhrəmanlıqla şəhid olmuş Ülvin Məmmədovun qəbrini də ailəsi ilə birgə ziyarət ediblər.

Laçın rayon icra hakimiyyəti başçısı səlahiyyətlərini icra edən Aqil Nəzərli, Milli Məclisin deputatı Mahir Abbaszadə şəhid ailələri ilə görüşüb, onların problemləri ilə maraqlanıb, Allahdan onlara səbr diləyiblər.