Erməni deputatın əmisi oğlu uran qaçaqmalçılığına görə tutuldu
Ermənistanda hakim Respublikaçılar Partiyasından parlamentin deputatı Arakel Movsisyanın əmisi oğlu Miqran Movsisyan həbs edilib.
Virtualaz.org bildirir ki. bu barədə Ermənistanın “Qrapark” nəşri xəbər verib.
İlkin məlumatlara görə, o, sərhəddən dəyəri 200 milyon dollar olan uran partiyasını keçirməyə və onu Gürcüstanda satmağa cəhd edib.
Qeyd edək ki. ötən ilin oktyabr ayında Miqran Movsisyanın adı Ermənistan KİV-də qaçaqmalçılıqla bağlı qalmaqalda hallanmışdı. Onun cangüdəni Samvel Arakelyan Artur Ayvazyanın cangüdəninin öldürülməsinə görə 14 il müddətinə azadlıqdan məhrum edilmişdi.
Nəşrin redaksiyası deputat Arakel Movsisyanla əlaqə yaradıb ki, o əmisi oğlunun həbsi ilə bağlı şərh versin. Deputat bildirib ki, baş verənlərdən xəbərdardır: “Xəbərim var. İndi ən vacib məsələ vətənimizin sərhədlərinin qorunmasıdır. Mən Qarabağdayam”.
Əmisi oğlunun həbsindən danışarkən deputat deyib ki, əgər o vətəninə xəyanət etməyibsə, azad olunması üçün “əlindən gələni edəcək”.
Qeyd edək ki, ötən ayın sonlarında Ermənistanın keçmiş baş naziri, deputat Qrant Baqratyan açıq şəkildə bildirib ki. Ermənistanın nüvə silahı var və onu “Ermənistanın iki qonşusunun sonrakı hücumlarından və təcavüzündən müdafiəsi üçün yeganə vasitə” adlandırıb.
yk news tv
