• 10 May, 2016, 11:03
• Oxunma (73 Baxış)
• Gündəm
• • Tweet

Qarabağda səngər qazan erməni əsgərlər tarixi əşyalar tapdılar – FOTO

“Aprel döyüşləri”ndən sonra Qarabağdakı mövqelərini dəyişməyə məcbur qalan erməni əsgərlər yeni səngərlər qazarkən tarixi əşyalar tapıblar. Modern.az saytı xəbər verir ki, bu barədə Ermənistan KİV-ləri məlumat yayıblar.
Qarabağdakı separatçı rejimin “rəsmiləri” dərhal hərəkətə keçərək, tapılan antik əşyaların qədim erməni mədəniyyətinin nümunələri kimi təqdim ediblər.

Qeyd edək ki, hadisə Dağlıq Qarabağın şərq istiqamətində qeydə alınıb.

İşğalçı ordunun əsgərləri mühəndis-istehkam işləri gördükləri zaman antik dövrə aid 2 bütöv kuzə, fincan və 4 boşqab aşkar ediblər.

“Hazırda tapılmış abidələr tarixi departamentdə saxlanılır və təmizlənəcək”- deyə separatçı rejimin “rəsmisi” Diana Miricanyan deyib.

Tapıntıların aşkar edildiyi ərazidə yeni arxeoloji qazıntıların başlanacağı gözlənilir.