“Dağlıq Qarabağı tanımaq? Ermənilər buna CƏSARƏT ETMƏZLƏR!”
“Ermənistanın sabiq baş naziri, Levon Ter-Petrosyanın çantadaşıyanı Qrant Baqratyan və İrs Partiyasından olan deputat, parlamenti paltaryuma firmasındakı qadın bazarına çevirən Zarui Postancyanın təşəbbüsü ilə hazırlanan, Dağlıq Qarabağın müstəqilliyinin tanınmasını nəzərdə tutan qanun layihəsini Ermənistan hökuməti “bəyəndi” və parlamentə yolladı. Parlament də mayın 10-da bu məsələni müzakirə etmək istəyir. Mən bu layihənin qəbuluna inanmıram”.
Ermənistandakı “Milli Özünütəyin” Hərəkatının sədri, ölkə müxalifətinin liderlərindən olan Paruyr Ayrikyanın fikrincə, Dağlıq Qarabağın “dövlət müstəqilliyi”nin tanınması ilə bağlı qanun layihəsi Ermənistan prezidenti Serj Sarkisyanın daha çox “daxili bazar”a hesablanmış siyasi spekulyasiyasıdır.
“Dağlıq Qarabağı tanımaq? Buna cəsarət etməzlər. Çünki belə tanınma olarsa, ATƏT-in Minsk qrupu çərçivəsində aparılan danışıqlar avtomatik olaraq hər hansı mənasını itirəcək və Azərbaycan müharibəyə başlamaq üçün bütün səbəblərə yiyələnəcək.
Sarkisyan rejimi indi Dağlıq Qarabağın tanınması ilə bağlı situasiyanı maksimum dərəcədə gərginləşdirmək, məsələni ən müxtəlif instansiyalara çıxarmaq fikrindədir. Ən sonda isə həmişə olduğu kimi, imtina olacaq.
Ona görə də bu “tanınma” məsələsini ciddi qəbul etmirəm. Ən azı ona görə ki, Sakrsiyan belə addım atarsa, danışıqlar prosesi, ümumiyyətlə, dalana dirənəcək”, – P.Ayrikyan deyib.
yk news tv
