• 3 May, 2016, 14:14
• Oxunma (232 Baxış)
• Siyasət
• • Tweet

Qondarma ​”Dağlıq Qarabağ Respublikası”nın tanınması məsələsi yenidən Ermənistan parlamentinin gündəliyinə salınıb

Ermənistan parlamenti mayın 5-də keçiriləcək iclasının gündəliyinə qondarma “Dağlıq Qarabağ Respublikası”nın tanınmasını nəzərdə tutan “Ermənistan və DQR-in təhlükəsizlik təminatının hərbi-siyasi prinsipləri haqqında” qanun layihəsini daxil edilib.

“Report” xəbər verir ki, bu haqda Ermənistan KİV-i məlumat yayıb.

Sənəd Ermənistan hökumətində müzakirə olunub. Həmin iclasda Ermənistan xarici işlər nazirinin müavini Şavarş Koçaryan məruzə ilə çıxış edib.

Məlumata görə, bu “layihəni” deputatlar Zauri Postancanyan və Qrant Baqratyan hazırlayıb.

Qeyd edək ki, bu məsələ 2009-cu ilin oktyabr və 2014-cü ilin sentyabrı aylarında da müzakirəyə çıxarılmışdı. Ancaq hər iki müzakirədən sonra sənədin qəbulu təxirə salınmışdı.