Bakı
0° C
Şuşa
0° C

Rusiyadan yolların açılması üçün Ermənistana 5 milyardlıq TƏKLİF

Ətraflı

Bərdədə erməni raketi ilə dağıdılmış ev “indi vurulmuş hayk evi” nə döndü…-FOTOLAR

Ətraflı

Ordumuzun azad etdiyi strateji əhəmiyyətli yüksəkliklər – ADLAR

Ətraflı

Ordumuzun erməni təxribatına cavabının yeni görüntüləri – VİDEO

Ətraflı

Polis rəisi Şuşanın süqutunun son dəqiqələrini necə xatırlayırdı?!

Səxavət Tağlar,
əməkdar müəllimi, yazıçı-publisist

Təhsilyanı Şuraya yığışmışdıq. Şöbənin qarşısında şuşalı müəllimə, xətrini istədiyim, qəlbən mənə yaxın olan Telli müəlliməylə görüşdüm. (O, Şuşa rayon Polis Şöbəsinin rəisi olmuş, polis polkovniki Eldəniz Quliyevin mənimlə ali məktəbdə bir dövrdə oxuduğunu və isti münasibətimizi bilirdi.) Hal-əhvaldan sonra qəhər və göz yaşları ilə Eldənizin qətlə yetirildiyini söylədi. Bu xəbər məni çox sarsıtdı, özümü gücsüz və zəif hiss etdim. Ani olaraq tələblik illərinin müəyyən anları, Eldənizin toyu, övladları, anası Məxluqə müəllimənin qayğıkeş çöhrəsi, rəhmətlik atası polis polkovniki Qurban kişinin şirin söhbətləri düşdü yadıma və birdə… Elə bildim ki, Eldənizin həyat yoldaşı Billurə xanımın fəryadı gəlir qulağıma, elə bildim ki, yasdayam, təsəlli verirəm Eldənizin qardaşlarına – Nazimə, İlhama, Mübarizə, Ramizə.
…Eldənizin faciəsi ilə son beş ayda altı dəfə sarsılmışdım mən. Üç bacımın gənc həyat yoldaşlarının – Dadaşın, Oktayın, Səlimxanın, əziz dayımız Davudun və bir də yaxın qohumumuz, hər an bizə təsəlli verən Talıbxan kişinin faciələrini deyirəm…

İlahi, insan nə dözümlü olur. Mən hələ özümdə güc tapıb, dostum, sirdaşım Eldənizi başqalarına da tanıdmaq istətirəm…

… Eldəniz Quliyev şuşalı idi. 1971 ci ildə Xankəndi Dövlət Pedoqoji İnstitutunu bitirmişdi. Atası uzun illər Azərbaycan Daxili İşlər Nazirliyində məsul vəzifələrdə, Şuşa, Tərtər (Mirbəşir) və Xankəndi(Stepanakert) şəhərlərində polis rəisi vəzifələrində işləyib. Atasının və dayılarının mübariz peşələrinə kamil yiyələnmişdi Eldəniz!! O Eldəniz ki, Qarabağ vulkanı gözləri önündə püskürüb, o Eldəniz ki, Qarabağ hadisələrinin qaynağında olub, yağı düşmənlə üz-üzə gəlməkdən qorxmayıb. Yəqin ki, Eldəniz döyüş yolu və peşə ustalığı barədə televiziya verlişlərindən, qəzet səhifələrindən məlumatınız olar.

Şuşanın süqutundan sonra Eldənizlə görüşdüm. O, süqutun son dəqiqələrini belə xatırladı:
“…Qala qapısı deyilən yerdə, Şuşa türməsinin yanında, qəbirstanlıqda döyüşürdük. Atamın qəbrinə sığınmışdım. Sanki atamdan ruh alırdım. Baş daşındakı şəkil elə bil dilə gəlib “Qorxmayın, vuruşun” deyirdi. Vuruşurduq, inamla vuruşurduq”.

… Taleyin işinə bax, yağı düşmən əsirliyində dörd gün ac-susuz qalıb, cəsurluqla ordan sağ çıxan, düşmən gülləsindən yaralanıb, yaşamaq inamını itirməyən Eldəniz bir nadürüstün əli ilə qətlə yetirildi. O, cəsur, qorxmaz, sadə, qayğıkeş, şəxsiyyətli, gözəl qamətli bir oğlan idi.  Söhbətlərindən bilmək olmaz idi ki, filosofdur, tarixçidir, yoxsa hüquqşunas. Hərtərəfli insan idi. Onu bütün şuşalılar, bütün Qarabağ camaatı və bütün tanıyanları sevirdi…

   … Allah sənə rəhmət eləsin, Eldəniz!

  …Səninlə bağlı xatırələr birdimi, ikidimi… Hələ tələbəykən qeyrətli çıxışların hamımızı heyran edirdi. Təəssübkeşliyin, uzaqgörənliyin bir də … Və bir də yağıların içində yaşayıb, təhsil alıb, işləyə-işləyə onlara qarşı mübarizə aparmağın, kimlərinsə buna görə sənə pis baxmaları heç yadımdan çıxmır. İnstitutun Azərbaycan bölməsində Müasir Azərbaycan ədəbi dilindən erməni dığası Ararat Qriqoriyan dərs deməyə gələndə mənim etiraz səsim və buna görə sarsıntılarım,  Vilayət Partiya Komitəsinə, DQMV-nın prokurorluq və DİŞ-nə ayaq döymələrim və öz xəttimlə rektorluqda institutdan xaric olunmağım barədə ərizə yazmağım yadıma düşəndə, deyirəm ki, nə yaxşı ki, atan Qurban kişi kimi yaxşılar, qeyrətli və kamil ağsaqqalar var imiş. O vaxt millətçilik damğası ilə məni─kimsəsiz bir tələbəni  institutdan xaric edəndə sən özünü odun – alovun içinə atdın. Mən institut həyatında dörd almamışdım, qiymətlərimin hamısı əla idi. Yalnız bir fəndən – Müasir Azərbaycan ədəbi dilinin tədrisindən – ermənidən üç dəfə iki almışdım. Ona görə də institutla vidalaşmalı idim. Sən buna dözmədin. Məsələni atana bildirdin. Atan – o vaxt DQMV-nın sayılan və nüfuzlu ağsaqqalı, ermənilərin çəkindiyi bir kişi idi. Sən onun tərbiyəsini almışdın, qardaş!. Sənsiz sızıldayıram! Xatirələr qəlbimi dağıdır! Tərtər rayonuna, köçkünlükdən sonrakı evinizə getmişdim, Eldəniz! Uşaqlarınla, qardaşlarınla görüşdüm. Qəbrin önündə diz çökdüm. Hönkür-hönkür ağladım. Ruhun qarşısında həmişə hesabatlıyam, Eldəniz!

   … Ən çox həmsöhbət olduğun Vahid müəllim(İmişli TŞ-nın müdir müavini) Lenin təqaüdçüləri- Rəhim Zalov (filoloq- tənqidçi), Vaqif Abdullayev(AMİ-nin Ağcəbədi fililalının dosenti, İsmayıl İslamov (Ağsu rayon İH-nin nümayəndəsi), Cəmil Bayramov (Gənclər və İdman nazirliyinin işçisi), Vaqif Hüseynov (Ağcəbədi Pedoqoji Texnikomun direktoru-Allah rəhmət eləsin!), Tofiq Abdullayev (Ağdam RPŞ-nın rəis müavini, polis polkovnik-leytenantı), Hikmət Cəmilzadə (FHN-nın idarə rəisi) sənin itkinə dözmürlər, qardaşım! Yüzlərcə səni tanıyan tələbələr, sevimli müəllimlərin – Ənvər Əhməd, Raqif Kərimov, Mamed müəllim, Mirələm müəllim, Zabil müəllim hər görüşümüzdə yeni-yeni xatirələr danışır. Qəlbimizi göynədən, ürəyimizi üşüdən xatirələr…

   …Köçkünlükdə bir oğlana rast gəldim. Dedi ki…  “Şuşalıyam. Əslən də Zarıstılıyam. İxtisasca fiziki tərbiyə müəllimiyəm. İmişliyə sığınacaq gətirmişəm”. Qeyri-ixtiyarı olaraq oğlanın üstünə atildım. Öpüb bağrıma basdım. Adını soruşdum: Abutalıbov Sahib Cəfər oğlu. Həmin gündən yanımda işə götürdüm. Qeyrətli, təəssübkeş, əməksevər oğlandır. Bir çox cəhətlərinə görə sənə oxşayır. Sənin simanda bütün şuşalılara hörmət və ehtiram göstəririk, Eldəniz! Şuşa rayon İcra Hakimiyyətinin İmişlidəki nümayəndəsi Telli Zeynalova ilə gündəlik görüşməsək , sənin haqqında kövrək xatirələri bölüşməsək rahatlıq tapmıram!

   …Böyük hörmət və ehtiram göstərdiyim orta məktəb müəllimim, gözəl ziyalı Cavad Nəsirov Heydar adlı bir şuşalı ilə qohum oldu. Onlar məni də övladlarının böyük toy məclisinə dəvət etmişdilər. Bakıda “Sərinlik” Şadlıq Sarayinda o toy axşamı düşüncələr məni hara çəkmədi. Allah onları xoşbəxt eləsin! Yadıma Xankəndindəki  Qarabağ Şadlıq Sarayında kiçik qardaşın İlham müəllimin toy məclisi düşdü!  Necə şənləndik, necə…

Mənim poetik çıxışımı bütün qarabağlılar alqışladı. Xüsusilə, atan Qurban kişi, anan Məxluqə xanım! Azərbaycan Respublikasının daxili işlər naziri general-polkovnik Ramil Usubov da toy şənliyində iştirak edirdi. O, ürək sözlərini söylədi, Qurban kişiylə, Məxluqə xanımla rəqs edib, onlara gözaydınlığı verdi. Qarabağın say-seçmə kişilərindən olan, kamil ağsaqqal, hamı adını hörmət və ehtiramla çəkən Qurban kişiyə!  Xanım-xatın anan, Xankəndinin  tanınmış pedaqoqlarından biri olan Məxluqə xanıma!

…Əlimdə qələm ikən, bu kiçik xatirələr təsəllimdi: Bir dost itkisinə, bir qeyrətli Azərbaycan övladının itkisinə! Kim dünyasını dəyişməyəcək, Eldəniz?!. Ancaq sənin müammalı ölümün Qarabağ dərdinə, Şuşa niskilinə yaraşmır, qardaş!  Sənin öz planların, öz ideyaların  var idi. Vətən, torpaq, yurd və bütövlükdə Azərbaycan xalqı üçün sən çox iş görə bilərdin… Rahat yat, qardaşım! Allah qoysa, vaxt gələcək ki, Azərbaycanın qeyrət tacı Şuşamız alınacaq! Sənin ata yurdunda Vaqif, Nətavan, Bülbül ocağında təhsil aldığımız institut bərpa olunacaq. Biz Eldənizsevərlər Şuşanın bərpasında  sənin əvəzindən də var gücümüzlə çalışacağız!.

1 Comment »

“Polis rəisi Şuşanın süqutunun son dəqiqələrini necə xatırlayırdı?!” üçün bir cavab

  1. Şikar dedi ki:

    Azərbaycanın bütün müsbət dəyərlərini özündə cəmləşdirən, güclü qələmi və sözün əsil mənasında ziyalı olan tələbə yoldaşım, sədaqətli dostum Səxavət müəllim əvvəlcə səni salamlayıram. Bu təsirli və dəyərli yazını bir nəfəsə oxudum. Çox mütəəsir oldum. Qədir bilənliyin, dost sevərliyin, kəsdiyin çörəyə bağlılığın, vətənsevərliyin və nəhəayət Azərbaycanın- Qarabağın dəyərli və igid oğlu Eldənizi unutmadığın və bir daha hamımıza xatırlatdığın üçün sənə çox sağol deyirəm. Arzu edirəm tezliklə torpaqlarımız işğaldan azad olsun. Mən də səninlə Şuşada, Laçında cəm Qarabağda igid oöullarımızın qəbirləri üzərində deyək: Rahat yatın, qisasınızı almışıq torpaqlarımız işğaldan azaddır.

Bir cavab yazın

Sizin e-poçt ünvanınız dərc edilməyəcəkdir.

Xəbər lenti

• 20.09.2022, 10:53

Kosmik teleskopdan möhtəşəm görüntü – FOTO

• 20.09.2022, 9:58

MN: “Laçında 100 mina zərərsizləşdirilib” – FOTOLAR

• 20.09.2022, 9:56

Blinkendən Əliyevə gecə zəngi – ABŞ Ermənistanı intihara sürükləyir

• 20.09.2022, 9:02

“Əsrin müqaviləsi”nin imzalanmasından 28 il ötür

• 20.09.2022, 8:48

Azərbaycanın üç stolüstü tennisçisi erməni rəqiblərinə qalib gəlib

• 20.09.2022, 8:41

Ceyhun Bayramov üçtərəfli görüşdə Azərbaycanın mövqeyini AÇIQLADI

• 20.09.2022, 8:39

Blinken, Bayramov və Mirzoyan arasında görüş keçirilib

• 20.09.2022, 8:38

“İlham Əliyev və Paşinyan sülhə hazır olduqlarını bildirdilər” – Blinken

• 20.09.2022, 8:37

Rusiyadan yolların açılması üçün Ermənistana 5 milyardlıq TƏKLİF

• 16.09.2022, 9:28

KTMT Paşinyana “yox ”dedi – sərhəddə təxribatların davam etməsinin səbəbi nə?

• 16.09.2022, 9:25

“Qarabağ”ın qrupdakı ilk qələbəsindən şəkillər

• 16.09.2022, 9:24

“Qarabağ” Prezidentə təşəkkür etdi – Şəkil

• 16.09.2022, 9:23

“Bu qələbə Qarabağ adına, Azərbaycan adına yaraşır” – Qara Qarayev

• 16.09.2022, 9:22

“Avroliqada pley-off mərhələsinə yüksəlmək istəyirik” – Qurban Qurbanov

• 16.09.2022, 9:21

Bərdədə erməni raketi ilə dağıdılmış ev “indi vurulmuş hayk evi” nə döndü…-FOTOLAR

• 15.09.2022, 17:10

Ordumuzun azad etdiyi strateji əhəmiyyətli yüksəkliklər – ADLAR

• 15.09.2022, 14:16

Azərbaycan icması Ermənistanın sərhəd təxribatı ilə bağlı Fransa hökumətinə müraciət ünvanlayıb

• 15.09.2022, 14:09

Ermənistan hökümətinin iclası təxirə salındı

• 15.09.2022, 14:05

Ordumuzun erməni təxribatına cavabının yeni görüntüləri – VİDEO

• 15.09.2022, 14:04

Daha 21 şəhidimizin adı açıqlandı – YENİ SİYAHI

• 15.09.2022, 13:15

Azərbaycan qalib tərəfdir və sülhün tərəfindədir – MÜSAHİBƏ

• 15.09.2022, 13:14

Ötən gün ermənilərə dəstək verən ukraynalı müğənninin Bakıdakı konserti LƏĞV EDİLDİ

• 15.09.2022, 13:11

Bakı mantaşovların, şaumyanların şəhərinə necə dönmüşdü? – 15 sentyabr qurtuluşu…

• 15.09.2022, 13:10

Ermənistan parlamentində dava düşdü – VİDEO

• 15.09.2022, 13:07

KTMT ölkələrindən Ermənistana RƏDD CAVABI

sorğu

İşğal olunmuş torpaqlarımızın azad olunacağına inanırsız?

ən çox oxunanlar

Aprel 2016
BE ÇA Ç CA C Ş B
 123
45678910
11121314151617
18192021222324
252627282930