ANS PRESS-in Ermənistan mətbuatına istinadən verdiyi məlumata görə,  bu gün  Sarkisyanın iştirakı ilə Ermənistan Respublika Partiyasının (ERP) toplantısı baş tutub. Toplantıdan sonra ERP-nin mətbuat katibi, Ermənistan parlamentinin vitse-spikeri Eduard Şarmazanov jurnalistlərə açıqlama verərək, Serj Sarkisyanın Dağlıq Qarabağ münagişəsi üzrə danışıqların bərpa edilməsi üçün 3 şərt irəli sürdüyünü bildirib.

“Kommersant” Sarkisyanın danışıqları rədd etməsindən yazıb

Şarmazanov sözlərinə görə, şərtlər aşağıdakılardan ibarətdir:

– İnsidentlərin araşdırılmasına dair mexanizmlərin tətbiq edilməsi;

– Ünvanlı bəyanatlar;

– Azərbaycanın Dağlıq Qarabağ əhalisinə qarşı aqressiyaya əl atmayacağına dair zəmanət.

Serj Sarkisyan münagişəyə dair sülh danışıqlarının bərpa edilməsi üçün irəli sürən şərtlərini ANS PRESS-ə şərh edən sabiq dövlət müşaviri politoloq Qabil Hüseynli, Ermənistan prezidentinin bu açıqlaması siyasi oyunun bir hissəsidir. “İnanmıram ki, bu Sarkisyanın öz ağlının bəhrəsidir. Ona kənardan qəyyumları diktə edir. Onun dediklərinin hamısı hakimiyyətdə qalmaq üçün işlətdiyi fəntlərdir.” Politoloqun sözlərinə görə, Sarkisyan indi artıq ona inanmayan və hakimiyyətdə görmək istəməyən erməni xalqı qarşısında onun mənafeyini qoruyan bir şəkildə görünmək istəyir.