• 28 Aprel, 2016, 12:03
• Oxunma (86 Baxış)
• BEYNƏLXALQ
• • Tweet

Hakimiyyət savaşı: Oskanyan koalisiya yaradır

Ermənistan XİN-in keçmiş rəhbəri Vardan Oskanyanın partiyası Serj Sərkisyanın istefasını tələb etməyəcək.

Axar.az xəbər verir ki, bunu Ermənistan mətbuatına açıqlamasında Vardan Oskanyan söyləyib. Yarandığı gündən Sərkisyanın qorxulu röyası kimi təqdim edilən Oskanyan artıq öz vədinə xilaf çıxmağa başlayıb. Keçmiş baş diplomat 25 il ərzində heç kimdən istefa tələb etmədiyini bildirib:

“Bu onları təyin edənlərin problemidir. Mən həyatım boyunca heç vaxt istefa tələb etməmişəm və indi də tələb etmək fikrində deyiləm. Xalq artıq alternativ axtarır. Əgər alternativ ola bilsək, biz yalnız həmfikir olduğumuz qüvvələrlə koalisiya yaradacağıq”.

Qeyd edək ki, Oskanyan bir müddət öncə Birlik Partiyasını yaradıb. Bu partiya hazırkı Ermənistan iqtidarının əsas düşməni hesab edilir. Ekspertlərin fikrincə, Oskanyanın yeni partiyasının arxasında eks-prezident Robert Köçəryan dayanır.