• 27 Aprel, 2016, 16:12
• Oxunma (179 Baxış)
• Siyasət
• • Tweet

Heydər Camal: “Qarabağda Ermənistan məğlub olacaq”

“Sarkisyan Moskvanı şantaj etmək cəhdləri edir”.

Publika.az xəbər verir ki, bu barədə Rusiya İslam Komitəsinin sədri, politoloq Heydər Camal Ermənistan prezidenti Serj Sarkisyanın Dağlıq Qarabağla bağlı sülh danışıqlarından imtina etməsini şərh edərkən deyib.

Onun sözlərinə görə, Sarkisyanın məlum bəyanatının bir neçə səbəbi var: “Birincisi, bu erməni ordusunun Qarabağdakı son döyüşlərdə məğlubiyyətidir. İkincisi, Moskva ilə ittifaq münasibətlərinin keyfiyyətindən kəskin narazılıqdır. Üçüncüsü, erməni lobbisinin vasitəsilə Qərbin diqqətini cəlb etmək və dəstək almaqdır. Bu, əslində Rusiyaya şantaj və təzyiqin formasıdır”.

Ekspert hesab edir ki, müharibə Ermənistan üçün əlverişsizdir: “Çünki bu, faktiki məğlubiyyətlə barışmaq deməkdir. Hərbi hərəkətlərin nə vaxt yeniləcəyindən də çox şey asılıdır. İndi İrəvanın bu addımla nəyi hesabladığı hələlik aydın deyil. Bütövlükdə hərbi toqquşmaların gedişini proqnozlaşdırmaq çətindir. Amma uzunmüddətli perspektivdə Ermənistan məğlub olacaq”.