Cəbhənin Tərtər istiqamətində axşam saat 22:10-dan başlayan artileriya səsləri fasilələrlə gecə saat 02-29-a qədər davam edib.

Qoşunların təmas xəttində atəşkəs pozulandan etibarən ötən gün ANS TV-nin 3 çəkiliş qrupu müxtəlif istiqamətlərdə müşahidələr aparır. Tərtər istiqamətində müşahidələr aparan ANS TV-nin Qarabağ bürosunun müxbiri Ramil İbrahimov atəşə tutulan kəndlərdə olub.

Artilleriya zərbələri endirilən cəbhə bölgəsindəki evlərin sakinləri ANS TV-yə danışıblar. Onlar qorxmadıqlarını və sonuna qədər doğma torpaqlarında qalacaqlarını bildiriblər.

Çəkiliş zamanı ara-sıra atəş səsləri də eşidilir.