• 27 Aprel, 2016, 10:54
• Oxunma (61 Baxış)
• BEYNƏLXALQ
• • Tweet

Ermənistanın müdafiə naziri Moskvaya getdi

Ermənistanın müdafiə naziri Seyran Ohanyanın rəhbərlik etdiyi nümayəndə heyəti Moskvaya gedib. Erməni mətbuatının Ermənistan Müdafiə Nazirliyinə istinadən yazdığına görə, məqsəd  Rusiya paytaxtında keçiriləcək V Moskva Beynəlxalq Təhlükəsizlik Konfransına qatılmaqdır. 

Məlumata görə, 27-28 apreldə baş tutacaq konfransda terrorizmlə mübarizə məsələləri müzakirə olunacaq. Doğrudur, konfransda Azərbaycan da daxil olmaqla, 82 ölkədən nümayəndə heyəti iştirak edəcək.  Ancaq terrorçuluğu, separatçılığı və işğalı dəstəklən, faktiki onun tərəfi olan Ermənistanın bu tədbirdə iştirakı anormal təsir bağışlayır.

Musavat.com düşmən mətbuatına istinadən xəbər verir ki, S.Ohanyan Rusiyada ikitərəfli görüşlər keçirməyi də planlaşdırır.