Şahnazaryan: Ermənistan generalitetini təmizləmək lazımdır
Ermənistan diplomatik sferada nə etməlidir? Bu gün, xüsusilə də üzv olduğumuz sturkturlarda KTMT (Kollektiv Təhlükəsizlik Müqaviləsi Təşkilatı) və AİƏİ-də (Avrasiya İqtisadi Əməkdaşlıq İttifaqı) müttəfiqimizin olmadığını anlayaraq, müttəfiq tapmaq çox vacibdir.
Hərəkət etməli olduğumuz istiqamət Xaçatur Kokobelyanın təşəbbüsüdür. Avrasiya İqtisadi Əməkdaşlıq İttifaqından çıxma prosesinə başlamaq lazımdır, çünki orada müttəfiqimiz yoxdur. Və sadəcə müttəfiq tapmaq lazım deyil, həm də düşmənlərimizi və onların müttəfiqlərini zərərsizləşdirmək lazımdır. İlk növbədə bu, Rusiyaya aiddir, biz onunla daima ünsiyyətdə olmaq məcburiyyətindəyik, bu digər rəqiblərə də aiddir – Pakistana, Türkiyəyə, məcburən əlaqə qurmalı olduğumuz digər ölkələr də var.
Bunları “1in.am” erməni saytına verdiyi müsahibəsində Ermənistanın xüsus xidmətlərinin sabiq rəhbəri, analitik David Şahnazaryan dördgünlük müharibənin yekunlarını şərh edərkən bildirib.
D.Şahnazrayan Ermənistan üçün acınacaqlı nəticələrə gəlib: “Biz dəqiq anlamalıyıq ki, indi sırf özümüzə güvənməliyik və təkbaşına statusunda olmalıyıq; biz anlamalıyıq ki, hər iki ssenari üzrə müharibə qaçılmazdır. Mən müharibənin qaçılmaz olduğunu söylədim və biz müharibəyə hazırlaşmalıyıq. Bizi üç sahədə iş gözləyir: qısa olaraq dedim – diplomatiya, ikinci sahə – hərbidir. Düşünürəm ki, bizim ali komandanlığın tərkibini, generaliteti təzələmək lazımdır”.
Bununla yanaşı, D.Şahnazaryan nəyə görəsə öz ölkəsini işğalçı siyasətinin bədbəxt nəticələrinin səbəbini Rusiyada görür: “Biz, həmçinin silahlanma məsələmizi də həll etməliyik, mövcud olan natarazlığı artırmaq üçün Rusiya əlindən gələni etdi, bu, əlbəttə, həlledici amil deyil, amma mahiyyəti böyükdür.
Hər üç istiqamət bir-biri ilə əlaqədardır. Üçüncü istiqamət – daxili işlər, iş üsuludur. Ermənistan hakimiyyətinin həm daxili, həm də xarici işdə rəhbər tutduğu təfəkkür, bütün siyasi sahə buna gətirib çıxardı. Nə Rusiya, nə Türkiyə, nə də digər ölkələr biz özümüz dəyişmədikcə dəyişməyəcəklər”.
Müsahibənin sonunda D.Şahnazaryan Rusiya və rusiyalı sülhməramlıların ünvanına açıq təhdidlər edib: “Düşünürəm ki, Lavrov da, Rusiya silahlıları da və ümumiyyətlə, bütün sülhməramlılar “DQR”da duz-çörəklə deyil, güllə ilə-qurğuşunla qarşılanacaqlar. Beləliklə, bizim vaxtımız yoxdur, müharibə qaçılmazdır və biz bir olaraq çıxış etməliyik, hakimiyyət nə edəcəyini qərara almalıdır. Keyfiyyəcə dəyişmək lazımdır”.(oxu.az)
yk news tv
