• 22 Aprel, 2016, 14:40
• Oxunma (97 Baxış)
• VƏTƏNDAŞ CƏMİYYƏTİ
• • Tweet

“Böyük İpək Yolu”nun nümayəndəsi Çində Qarabağdan danışıb

Böyük İpək Yolu Beynəlxalq Gənclər ittifaqının baş katibi Aytən Əliyeva Çin Xalq Respublikasında keçirilən “Tarixi İpək Yolunun bərpası üzrə Avroasiya Gənc Liderlərinin forumu”nda iştirak edir. Böyük İpək Yolu BGİ-nin üzvü Çin gəncləri Federasiyası tərəfindən 19-30 aprel tarixlərində təşkil edilən forumda Rusiya, Qazaxıstan, Qırğızstan, Türkmənstan, Tacikistan, Özbəkistan, Belarusdan nümayendə heyətləri və yerli gənclər iştirak edirlər.

Forum çərçivəsində Pekin, Sinsyan, Xian, Şanxay şəhərlərində gürüşlər keçirilir. Çin Xalq Respublikasının baş nazirinin müavini Tian Şen və Sinsyan muxtar respublikasının rəhbəri Zhao Chuan ilə görüşlərdə Böyük İpək Yolu BGİ və Azərbaycan haqqında danışan Aytən Əliyeva onları Ermənistanın Azərbaycana təcavüzü və Dağlıq Qarabağ münaqişəsi ilə bağlı da məlumatlandırıb.

“Böyük İpək Yolunun bərpasında gənclərin rolu” mövzusunda keçirilən seminarda da çıxış edən baş katib müxtəlif təqdimatlar keçirib və iştirakçıları təşkilat haqqında məlumatlandırıb.

Qeyd edək ki, forum öz işini 30 apreldə Şanxay şəhərində yekunlaşdıracaq.