• 19 Aprel, 2016, 17:20
• Oxunma (316 Baxış)
• Manşet, Siyasət
• • Tweet

TƏCİLİ: Lavrov Putinin “Qarabağ planını” İrəvana aparır

Rusiya xarici işlər naziri Sergey Lavrov cümə günü İrəvana səfər edəcək.
Publika.az xəbər verir ki, bu barədə Rusiya XİN-in rəsmi nümayəndəsi Mariya Zaxarova Qarabağla bağlı sualı cavablandırarkən deyib. Onun sözlərinə görə, Lavrovun İrəvan səfərində əsas müzakirə mövzularından biri Dağlıq Qarabağ münaqişəsinin nizama salınmasıdır.

Qeyd edək ki, “dördgünlük müharibə”dən sonra Rusiya münaqişənin həlli ilə bağlı konkret addımlat atmaq istəyini nümayiş etdirir. Hazırda tərəflərə “Kazan düsturu”, “Lavrov planı” kimi yenilənmiş variantlar təqdim olunur. Konkret hansı format üzərində danışıqlar aparıldığı dəqiq məlum olmasa da, münaqişəyə dair ciddi proseslərin baş verdiyi görünür. Rəsmi Bakı da bunu təsdiqləyib. Dünən Rusiyanın “İzvestia” nəşrinin diplomatik mənbəyə istinadən yaydığı məlumat da bu kontekstdə diqqət çəkir. Diplomatik mənbə nəşrə açıqlamasında bildirib ki, Vladimir Putin şəxsən məsələyə ilə məşğul olmağa hazırdır. Məlumata görə, Rusiyanın münaqişəyə dair yeni planı var və hazırda bu plan üzərində dəqiqləşdirmələr aparılır. Bu baxımdan, Lavrovun İrəvana sözügedən planı müzakirə etməyə getdiyini ehtimal etmək olar.