Gürcüstan DTX-nin xüsusi əməliyyatı: Ermənistan 200 milyon dollara nüvə materialları alır
Gürcüstan Dövlət Təhlükəsizlik Xidməti qanunsuz nüvə materialı satışına görə üç Ermənistan və üç Gürcüstan vətəndaşını saxlayıb.
Bu barədə DTX-nin xüsusi əhəmiyyətli işlər üzrə müstəntiqi Savle Motiaşvili brifinqdə açıqlayıb.
Gürcüstan DTX-nin məlumatına əsasən, saxlanılanlar 200 milyon dollara uran (U-238) satmağa cəhd ediblər.
“Onlar cinayət əməli törədən zaman yaxalanıblar. Saxlanılanların birinin evindən zavod istehsalı olan, içərisində uran (U-238) yerləşdirilmiş nəqliyyat konteyneri aşkar olunaraq götürülüb. Radioaktiv (qamma) şüalanma və mənbənin özü baxımından, aparılmış radioloji ekspertizanın nəticələrinə əsasən, götürülmüş maddə insan sağlamlığı və həyatı üçün təhlükəlidir.
İstintaq nüvə materialının yolverilməz şəkildə saxlanması və satışı faktı (GCM-nin 230-cu maddəsinin 1-ci bəndi. 5 ildən 10 ilə qədər azadlıqdan məhrumetmə ilə cəzalandırılır) üzrə aparılır. Aprelin 16-da Tbilisi Şəhər Məhkəməsi saxlanılanların hamısı barədə həbs qətimkan tədbirinin seçilməsi qərarını verib”, – Motiaşvili deyib.
Xatırladaq ki, bir müddət öncə 1992-1995-ci illərdə Ermənistan Müdafiə Nazirliyinin Baş qərargah rəisi, 1993-cü ildə Ermənistanın müdafiə nazirinin vəzifələrini icra etmiş general-leytenant Norat Ter-Qriqoryants açıq şəkildə Ermənistanın atom silahı əldə etmək arzusunda olduğunu bildirmişdi. Ermənistanın yüksək vəzifəli şəxsləri dəfələrlə ehtiyatlarında “çirkli bomba”ların olduğuna eyham vurublar.
yk news tv
