• 14 Aprel, 2016, 15:52
• Oxunma (101 Baxış)
• VƏTƏNDAŞ CƏMİYYƏTİ
• • Tweet

Qalib QHT-lər üçün məlumatlandırma sessiyası keçirildi

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası 2016-cı ilin I maliyyə müsabiqəsində qalib gələn QHT-lər üçün məlumatlandırma sessiyası keçirib.

yknews.az xəbər verir ki, toplantıda 250-dən çox təşkilatın nümayəndəsi iştirak edib. Şura Katibliyinin icraçı direktoru Fərasət Qurbanov çıxış edərək məlumatlandırma sessiyalarının layihələrin effektiv idarə olunmasını təmin etmək məqsədi ilə mütamadi qaydada keçirildiyini bildirib.
F. Qurbanov məruzəsində Katibliklə QHT-lər arasında imzalanacaq qrant müqavilələrinin müddəaları və öhdəliklər, layihələrin icra planı ilə bağlı ortaya çıxan məsələlər, icra olunan layihələrin səmərəliliyinin artırılması yolları, təşkil olunacaq tədbirlərin auditoriyasının peşəkar əsasda seçilməsi, maliyyə və təsviri hesabatların hazırlanması, nəticələrin qiymətləndirilməsi və digər məsələlərə toxunub. İcraçı direktor QHT-lərin müqavilə öhdəliklərinə və Şuranın təlimatlarına ciddi əməl etməsinin vacibliyini vurğulayıb.
Şura Katibliyinin baş mühasibi Emin Məmmədov layihə üzrə vəsaitlərin idarə olunması və maliyyə hesabatları barədə sessiya iştirakçılarına məlumat verib.
Toplantının sonunda Katiblik əməkdaşları QHT təmsilçilərinin suallarını cavablandırıb.