“İsrail Ermənistanın notasını saya salmayacaq”
“Ermənistanın İsrailə verdiyi notanın heç bir əhəmiyyəti yoxdur”. Bu sözləri açıqlamasında Azərbaycan-İsrail parlamentlərarası əlaqələr üzrə işçi qrupunun rəhbəri Yevda Abramov deyib. O qeyd edib ki, Ermənistan tərəfindən verilən notanı İsrail heç saya da salmaz.
“Onlara cavab olaraq deyə bilər ki, bu onların daxili məsələsidir və hüquqlarıdır. Ermənistan nota verə bilər, bu diplomatik etiketlərdir. Amma İsrail Azərbaycana silahı gizli, qaçaqmalçılıq yolu ilə vermir. İsraillə Azərbaycan arasında bir sıra sahələrdə mütəffiqlik var, bəzi silah-sursatlar nəinki İsraildən alınır, İsrail mütəxəssisələri ilə birlikdə onu Azərbaycanda istehsal edir. Bunu bütün dünya bilir. Bu qaçaqmalçılıq yolu ilə gəlmir ki, Ermənistanın verdiyi nota qarşısında əl-ayağımız əssin”.
Y.Abramov bildirib ki, dünyanın əksər böyük ölkələri silah satışı ilə dolanır, ölkəsinə gəlir gətirir.
“ABŞ, Fransa, Rusiya silah satır. Müharibə edən tərəflər onda silah satan tərəflərə nota verməlidir? Biz Rusiyaya nota veririkmi ki, niyə Ermənistana ucuz qiymətə silah satır? Xeyr. İsrailin silah satması dünya bazarında gizli deyil. Həmçinin, İsrail mütəxissləri ilə birlikdə bu silahları yalnız Azərbaycan ordusu üçün istehsal etmir, lazım gələndə bizim onu ehtiyac duyan dövlətərə satmaq hüququmuz var. BMT-nin silahlara nəzarət instututu var ki, silahların hansı ölkələrə, necə və hansı yolla satılmasını araşdırır. Ona görə o notanın heç bir əhəmiyyəti yoxdur”, deyə deputat vurğulayıb.
Qeyd edək ki, Ermənistan nümayəmndəsi Armen Melkonyan İsrailin Azərbaycana silah satışını dayandırması üçün etiraz notası ilə ötən həftə Qüdsə gedib. Sənəddə xüsusilə Azərbaycan tərəfinin İsrailin IAI şirkətinə məxsus “Harop” pilotsuz uçan aparatından istifadə ediyindən narazalıq ifadə olunub.
yk news tv
