• 10 Aprel, 2016, 11:03
• Oxunma (244 Baxış)
• MƏDƏNİYYƏT
• • Tweet

Azərbaycanın milli suvenir, yemək və şirniyyatları İspaniyada təqdim olunacaq

Aprelin 16-da Madriddə Diplomatların Beynəlxalq Assosiasiyasının (Associacion Internacional de Diplomaticos en España-AİDE) təşkilatçılığı ilə “KERMES 2016” adlı beynəlxalq xeyriyyə yarmarkası keçiriləcək.

Yarmarkada Azərbaycanın İspaniyadakı səfirliyi də öz stendini nümayiş etdirəcək.

İspaniyada akkreditə olunmuş diplomatik nümayəndəliklərin qatılacağı yarmarka iştirakçılara öz ölkələrinin mədəniyyətini yerli əhaliyə tanıtmaq imkanı qazandıracaq. Bu məqsədlə hər bir ölkənin masasında milli suvenirlər, yeməklər və şirniyyatlar təqdim edilərək satılacaq. Əldə olunmuş vəsait ispan kraliçasının “Reina Sofia” fonduna köçürüləcək.(azertac)