• 8 Aprel, 2016, 17:49
• Oxunma (60 Baxış)
• Gündəm
• • Tweet

İlham Əliyev: Ümid edirəm ki, Ermənistan həmsədrlərin çağırışlarını eşidəcək

Azərbaycan prezidenti İlham Əliyev Minsk Qrupunun status-kvonu dəyişdirilməsinə dair çağırışlarının Ermənistan tərəfindən eşidiləcəyinə və bundan sonra regionda sülhün bərqərar olacağına ümid etdiyini bildirib.

Bu barədə RİA Novosti məlumat yayıb.

“Ümid edirik ki, Minsk Qrupunun status-kvonun dəyişdirilməsinə dair çağırışları Ermənistan tərəfindən eşidiləcək. Azərbaycan ərazisinin işğalına dair status-kvonun dəyişdirilməsi – münaqişənin tammiqyaslı həlli üçün əsas şərtdir. Bu, baş verən kimi regionda sülh, sakitlik, əməkdaşlıq bərpa olacaq. Bu, hamının xeyrinə olacaq”, – İlham Əliyev Rusiya baş naziri Dmitri Medvedev ilə danışıqların yekununda bildirib.