• 8 Aprel, 2016, 0:08
• Oxunma (173 Baxış)
• Gündəm
• • Tweet

İcra başçısı: Ağdamda 72 ev dağıdılıb, 5 ev tamamilə yanıb

Aprelin 2-dən 5-dək erməni silahlı birləşmələrinin Ağdam rayonunu atəşə tutması nəticəsində rayonda dağıdılan ev və obyektlərin siyahısı hazırlanıb.  Modern.az saytı xəbər verir ki, b u barədə Trend-ə Ağdam Rayon İcra Hakimiyyətinin başçısı Raqub Məmmədov məlumat verib.

İcra başçısı bildirib ki, ermənilərin ağır artilleriya atəşinə tutması nəticəsində rayonda dağıdılan ev və binaların sayı 75-dir.

Hadisə nəticəsində dağıdılan binaların 72-si fərdi yaşayış evidir:

– tam yandırılan evlərin sayı – 5

– tam dağıdılan evlərin sayı – 30

– atəş zərbəsindən zərər çəkən evlərin sayı – 37

İcra başçısı bildirib ki, bundan başqa, rayon ərazisində bir orta məktəb, bir kənd icra nümayəndəliyi, bir məscid dağıdılıb, rayonun 11 kəndini elektrik enerjisi ilə təmin edən elektrik yarımstansiyası ziyan çəkib.