Faiq Ələkbərov “Türk Yurdu” dərgisində Turan Sivilizasiyasından yazdı
Bu günlərdə AMEA Fəlsəfə və Hüquq İnstitutunun aparıcı elmi işçisi, fəlsəfə doktoru Faiq Ələkbərovun Türkiyənin tanınmış “Türk Yurdu” dərgisində məqaləsi yayımlanıb (http://turkyurdu.com.tr/2613/turan-uygarligi-mitten-gerceklige-dogru.html). Azərbaycan alimi “Turan Uyğarlığı: mitten gerçekliye doğru” (Türk Yurdu, sayı 344, aprel, 2016) məqaləsində Turan, Turançılıq anlayışının mifoloji, fəlsəfi, dini, elmi və tarixi anlamda şərhini vermişdir. Gənc alimin fikrincə, Türk-Turan mədəniyyəti böyük bir sivilizasiya anlamında ifadə olunmuşdur. Məqalədə göstərilir ki, Türk-Turan mədəniyyətinin əsil mahiyyəti üzə çıxmadan dünya tarixi heç zaman ədalətsiz yalanlardan xilas ola bilməyəcək. Bu gün Turan Sivilizasiyası mifologiya, din, tarix və elm-fəlsəfə baxımından daha çox mifik düşüncəylə məhdudlaşdırılır. Turan mifologiyası isə daha çox qeyri-Türk ənənə üzərində qurulmuşdur. Bütövlükdə, F.Ələkbərov məqalədə Turan Sivilizasiyasının varlğından və onun dünya tərəfindən tanınmasının məcburiyyətindən yazıb.
yk news tv
