Patriarx Kirill Dağlıq Qarabağda düşmənçiliyin dayandırılmasına çağırıb
Moskva və bütün Rusiya patriarxı Kirill bu gün Qafqaz Müsəlmanları İdarəsinin sədri şeyx-ül-islam Allahşükür Paşazadə və Ali patriarx və bütün ermənilərin katolikosu II Qareginə məktubunda Dağlıq Qarabağda münaqişənin inkişafından dolayı narahatlığını ifadə edib.
SalamNews-un RİA “Novosti”yə istinadla verdiyi xəbərə görə, “tez bir zamanda atəşkəs və tərəflərin sülh əldə etməsində Allahın köməyinə təvəkkül edirəm”,- deyə məktubda bildirilir.
Patriarx qeyd edib ki, bu ağır günlərdə o, Azərbaycan və Ermənistan xalqlarına dualarla dərdlərinə şərik olur.
Onun sözlərinə əsasən, Rusiya, Azərbaycan və Ermənistan dini liderləri artıq uzun illərdir ki, bir-birlərinə məlumat verərək Qarabağ münaqişəsinin həlli işinə xidmət edirlər: “Əminəm ki, bu dəyərli təcrübə bu gün möhkəm və ədalətli sülhün bərqərar olması üçün əsas olmağa xidmət edəcək”.
O, bundan başqa Allahşükür Paşazadə və II Qareqini qan tökülməsi və düşmənçilin dayandırılması üçün özlərinin bütün dini lider nüfuzundan istifadə etməyə çağırıb.
“Öz tərəfimdən münaqişənin həllinə hər ölçülü yardım göstərməyə hazıram”,- deyə patriarx yekun olaraq söyləyib.
yk news tv
