Deputatdan işğalçı Ermənistanla bağlı beynəlxalq aləmə ÇAĞIRIŞ
“Beynəlxalq aləm dərhal və mütləq şəkildə Ermənistanın işğalçılıq siyasətinin qarşısını almaqdan ötəri təcili hərəkətlərə keçməlidir. Xüsusilə də ATƏT-in Minsk qrupu bütün imkanlarından istifadə etməlidir ki, Ermənistanın bu hərbi təcavüzünün qarşısnı alsınlar”.
Bu barədə açıqlamasında Milli Məclisin Hüquq siyasəti və dövlət quruculuğu komitəsinin sədr müavini Rövşən Rzayev Ermənistanın Azərbaycana qarşı təcavüzkar və təxribatçı hərəkətlərilə bağlı beynəlxalq təşkilatlara müraciətində deyib.
Deputat bildirib ki, əgər beynəlxalq aləm Ermənistanın işğalçı siyasətinin qarşısını almasa bu daha böyük fəlakətlərə səbəb olacaq: “Əks halda gənc və günahı olmayan həm Azərbaycan əsgəri və mülki vətəndaşların tələfatının saylarının çoxalmasına gətirib çıxardacaq.
Ermənistan silahlı qüvvələrinin iri çarplı silahlardan istifadə edərək törətdiyi təxribatın qarşısı alınmasa bu bölgədə gözlənilməyən mənfi nəticələrə yol açacaq.
Azərbayan tərəfi öz torpaqlarını qoruyur və erməniləri yaşayış məntəqələrindən uzaqlaşdırmaqdan,mütəmadi olan təxribatların qarşısını almaqdan ötəri öz silahlı qüvvələri ilə öz xalqını qoruyur. Amma bu atışmaların daha böyük fazaya keçməməsindən və böyük fəlakətlərin, qırğınların baş verməməsindən ötəri beynəlxalq birlik Ermənistanın təcavüzkar fikirlərindən uzaqlaşdırmağı bacarmalıdır”.
Rövşən Rzayev beynəlxalq təşkilatlara çağırışında bildirib ki, Azərbayan Ermənistan tərəfinin təcavüzkar siyasəti nəticəsində mülki və hərbi vətəndaşlarını itirir:
“Azərbaycan xalqı Ermənistanın hərbi təcavüzü nətiəsində həm mülki və həm də hərbi vətəndaşlarını itirir. Ermənistanın təcavüzkar, təxribatçı hərəkətləri nəticəsində Azərbaycanın 12 hərbi qulluqçusu şəhid olub”. Millət vəkili ATƏT-in Minsk qrupunun həmsədr dövlətlərinə səslənərək Ermənistan rəhbərliyinin işğalçı siyasətinin qarşısını almağa çağırıb:
“Biz bunu belə qoya bilmərik. Beynəlxalq aləmi təcili addımlar atmağa çağırırıq.
Mən ATƏT-in Minsk qrupunun həmsədrlər dövlətlərinə müraciət edirəm ki, onlar mütləq qaydada separatçı, təxribat düşüncəli və işğalçı Ermənistan rəhbərliyinin bu addımlarını dayandırsınlar”
“Mən inanıram ki, Azərbaycan dövləti və silahlı qüvvələri təcavüzkar Ermənistanın hər cür təxribat cəhdlərinin qarşısını mətinliklə alacaq. Şəhid olanlara Allahdan rəhmət diləyərək onların valideynlərinə və əzizlərinə baş sağlığı verirəm.
Allah şəhidlərin yaxınlarına, əzizlərinə və xalqımıza səbr versin”-deyə deputat Rövşən Rzayev bildirib.
yk news tv
