• 2 Aprel, 2016, 21:24
• Oxunma (1. 240 Baxış)
• Gündəm
• • Tweet

Ordumuzun ələ keçirdiyi “Lələ təpə” haradadı və strateji əhəmiyyəti nədən ibarətdir?

Brifinq.az-ın məlumatına görə, birinci Qarabağ müharibəsinin iştirakçısı Füzuli Sabiroğlu Facebook səhifəsində ordumuzun azad etdiyi “Lələ təpə”nin işğal olunması və strateji əhəmiyyətindən yazıb

“1994-cü il fevral ayının 12-14-də Cəbrayıl rayonunun Mehdili kəndi azad edilərkən təkcə bizim batalyon 11 şəhid verdi. Ancaq təəssüflər olsun ki, kəndi özümüzdə saxlaya bilmədik. Cocuq Mərcanlı kəndindəki mövqelərə çəkilməyə məcbur olduq. İtkilərimizin və geri çəkilməyimizin əsas səbəbi bu gün şanlı əsgərlərimizin azad etdiyi ” Lələ təpə” yüksəkliyi idi. Uğurlu Horadiz əməliyyatından sonra ordumuzun Arazboyu irəliləyə bilməməsinin bir səbəbi də bu yüksəkliyin ermənilərdə qalması oldu. Xəritəyə baxsanız “Lələ təpə”nin nə qədər əhəmiyyətli bir yüksəklik olduğunu görəcəksiniz. (Xəritədə qırmızı nöqtəylə yüksəklik , göy xətlə təxmini olaraq cəbhə xətti göstərilib) Ona görə də təkcə bu yüksəkliyin alınması ordumuzun böyük uğurudur. 1993-94-cü illərdə bizim edə bilmədiyimizi bizim balalarımız edir. Allah hamısının köməyi olsun”.