Jirinovski Qarabağla bağlı ağzının qatığını dağıtdı
“Dağlıq Qarabağın respublika kimi müstəqilliyi tanınsın və Rusiya Federasiyasının tərkibinə daxil edilsin”
Dünəndən başlayaraq işğalçı Ermənistan ordusunun Azərbaycanın mülkü vətəndaşlarını atəşə tutmasından sonra aldığı cavabdan narahat olmağa başlayıb. Bunu onların havadarlarının və sosial şəbəkələrdə Azərbaycan barədə yaydıqları dezinformasiyalar da sübut edir.
FaktXəbər-in məlumatına görə, ortaya daim Azərbaycan haqqında mənfi mövqe qoyan Rusiyanın Liberal Demokrat Partiyasının sədri Vladimir Jirinovski “Qovorit Moskva” radiosuna münaqişə barədə müsahibə verib. O, baş verən hadisələri Türkiyə və Azərbaycan arasında bu yaxınlarda aparılan danışıqlarla əlaqələndirib.
“Onlar bizim iqtisadi sanksiyalarımıza cavab olaraq krım-tatar icmasından istifadə edir, Zaqafqaziyada ən etibarlı müttəfiqimiz olan Ermənistana qarşı çıxış edir. Burada onlar Ermənistan və Azərbaycan arasındakı münaqişəni körükləyirlər”, – o deyib.
Jirinovski həmçinin vurğulayıb ki, münaqişə iki respublika arasında çoxdan mövcud idi:
“Digər tərəfdən, bu iki respublika arasında münaqişə, uzun illər, hətta əsrlər əvvəl həmişə olub. Artıq 25 yaşı var. Buna görə də onlar heç vaxt razılaşmayacaqlar, çünki orada hər yerdə dağlar var, ərazisi kiçikdir, əhalisi çoxdur. Burada xarici hakim lazımdır”.
Vladimir Jirinovski arbitr kimi Rusiyanı görür:
“Bu yalnız Moskva ola bilər, çünki onlar hamısı rusca danışa bilirlər. Qoy Azərbaycan və Ermənistan prezidentləri Kremlə gəlsinlər, uzun danışıqlar aparsınlar, bəlkə bir-biriləri ilə razılığa gələcəklər. Amma özləri razılığa gəlməyəcəklər. Münaqişə mütəmadi olaraq ağırlaşacaq, ölənlər olacaq”.
Jirinovski son olaraq bəyan edib ki, vəziyyətdən mümkün çıxış yolu Dağlıq Qarabağın respublika kimi müstəqilliyinin tanınması və Rusiya Federasiyasının tərkibinə daxil edilməsidir.
yk news tv
