“Azıxantrop” Tarixi Araşdırmalar İctimai Birliyi “31 Mart – Azərbaycanlıların Soyqırımı  Günü” adlı təbliğat aksiyası keçirəcək.

yknews.az-a verilən məlumata görə, tədbirdə iştirakçılara 31 mart soyqırımının tarixi haqqında məlumat veriləcək.

Sonra İctimai Birliyin nəşr etdiyi  Henrix Tomson  “Bakı xatirələri. 1914-1921-ci illər” kitabı və Əsir və itkin düşmüş, girov götürülmüş vətəndaşlarla əlaqədar Dövlət Komissiyasının müxtəlif dillərdə erməni terrorizmini əks etdirən maraqlı nəşrləri  nümayiş etdiriləcək.

Xatırladaq ki, 1918-ci il Bakıda mart Soyqırımının  şahidi, milliyətcə eston olan Henrix Tomsonun “Bakı xatirələri .1914-1921-ci illər” kitabı “Azıxantrop” Tarixi Araşdırmalar İctimai Birliyinin Azərbaycan Respublikasının Prezidenti yanında  Qeyri-Hökumət Təşkilatlarına Dövlət Dəstəyi Şurasının  maliyyə dəstəyilə  icra etdiyi “31 mart – Azərbaycanlıların  soyqırımı gününün dünya ictimaiyyətinə təbliği məqsədilə  kitabın nəşri” layihəsi çərçivəsində nəşr edilib.

Aksiyada nümayiş etdirilən kitablar iştirakçılara pulsuz veriləcək.

Tədbirdə ziyalılar, tələbələr və QHT nümayəndələri iştirak edəcəklər.

Qeyd edək ki, aksiya 31 mart saat 15:00-da Park Bulvar AVM-də (I mərtəbə) keçiriləcək.