Gənclər media sahəsində yeni biliklər qazanacaq
Gəncə şəhər Gənclər və İdman Baş İdarəsi və “Odlar Yurdu” Gənclər İctimai Birliyinin birgə əməkdaşlığı, “Gəncə 2016- AGP” İctimai Birliyinin tərəfdaşlığı ilə “Media Məktəbi- 2” layihəsinə start verilir.
Layihənin əsas məqsədi gənclərin yeni media alətlərindən düzgün istifadəsi və bu sahədə yeni biliklərin qazanılmasına xidmət etməkdir. Layihə çərçivəsində Avropa ölkələrinin media ilə bağlı həyata keçirdiyi layihələrdən nümunələri layihə iştirakçısı olan Gəncə gənclərinə təqdim edilməsi, gənclərin sosial mediada fəal iştirakı üçün innovativ vasitələrin tətbiqini genişləndirməsi, həmçinin region gənclərinə sosial mediadan səmərəli istifadə qaydalarının da öyrədilməsi əsas istiqamətlərdəndir.
Layihə çərçivəsində iştirakçı gənclərə peşəkar piar menecerlər, media nümayəndələri tərəfindən təlimlər keçiriləcək və onların təcrübələrindən gənclərin yararlanması üçün imkan yaradılacaq.
Layihə 3 ay müddətində davam edəcəkdir. 30 mart tarixindən icrasına başlanılan layihədə gənclər təşkilatları (QHT, TGT) və digər gənclərlə işləyən qurumların piar mencerləri, mətbuat katibləri və ictimai əlaqələr şöbəsinin nümayəndələri və ya bu vəzifələrə namizəd gənclər iştirak edə bilərlər. Layihədə iştirak üçün son müraciət tarixi 5 aprel tarixidir. Maraqlanan gənclər aşağıda qeyd olununa link vasitəsi ilə qeydiyyatdan keçə bilərlər.
https://docs.google.com/forms/d/1AUHzmY3RSEefIYTV4ZxmLTrqKv5CWUjIEQU6uXq6tXU/viewform
Məlumat üçün bildirək ki, Gəncə şəhərində “Media Məktəbi” layihəsi 2013-cü ildə ilk dəfə “Odlar Yurdu” GİB tərəfindən həyata keçirilib.
yknews.az
yk news tv
