• 19 Mart, 2016, 0:39
• Oxunma (102 Baxış)
• Gündəm, head carousel
• • Tweet

Ermənilərin Bakıda törətdiyi terrordan 22 il keçdi

Bu gün Bakı metrosunda törədilən terrordan 22 il keçir.

Axar.az xəbər verir ki, məhz bu partlayış nəticəsində 14 nəfər həlak olub, 49 nəfər yaralanıb. 1994-cü ildə 20 Yanvar metro stansiyasında törədilən partlayışda terrorçular saat mexanizmi ilə işləyən bombadan istifadə ediblər.

Məzh bu partlayışdan sonra hüquq mühafizə orqanları genişmiqyaslı axtarışlar aparırlar. Nəticədə terroru “Sadval” ləzgi separatçı təşkilatının həyata keçirdiyi bəlli olur. Bu işdə isə onlara xüsusi dəstəyi Ermənistanın xüsusi xidmət orqanları göstərirlər. İstintaq nəticəsində həmçinin partlayışdan öncə İrəvanda olan terrorçulara Ermənistanın Nairi rayonunun Lusakert qəsəbəsində xüsusi təlimlərin keçirildiyi də müəyyənləşir.

Maraqlı məqam orasındadır ki, terrorçuların planı tək bir stansiya ilə əlaqəli olmayıb. Partlayışlar 20 Yanvar metro stansiyası ilə yanaşı “Nizami” kinoteatrı, Respublika sarayı və Bakı Lampa Zavodunda da keçirilməli idi. 19 mart terroruna görə 11 nəfər həbs edilmiş, onlardan ikisi haqqında güllənmə qərarı çıxarılmışdı.

Lakin Bakı metrosunda terror bununla yekunlaşmayacaqdı. Bundan sonra  Ermənistan xüsusi xidmət orqanları daha bir stansiyada partlayış həyata keçirəcəkdilər. Bu partlayış isə 28 May stansiyasında iyul ayında baş verəcəkdi və bizdən 13 insanımızın həyatını alacaqdı.

Qeyd edək ki, 19 mart partlayışında həlak olanlar arasında xalq artisti Rafiq Babayev də olub.