“Ermənistan ordusu Qarabağda darmadağın ediləcək”–rusiyalı ekspert
Rusiyanın Hərbi və Siyasi Analiz İnstitutunun direktor müavini Aleksandr Xramçikinin Ermənistan ordusunun Qarabağda darmadağın ediləcəyi ilə bağlı fikirləri düşmən ölkədə böyük ajiotaj yaradıb. Publika.az xəbər verir ki. Ermənistan mediası A. Xramçikindən müsahibə alaraq, yaydığı məlumatların məxfi olduğunu və onun bu məlumatları haradan götürdüyü sualını verib.
A. Xramçikin isə götürdüyü bütün məlumatların açıq mənbələrdə əksini tapdığını bildirib.
“Mən açıq müqayisə aparmışam və buna əsasən belə fikirlər səsləndirmişəm. Hesab edirəm ki, Azərbaycanın Dağlıq Qarabağı geri qaytarması üçün müharibədən başqa yolu yoxdur. Rəsmi Bakı mövcud status-kvonu qəbul etmir. Lakin mən Bakının nə vaxt müharibəyə başlayacağı, yaxud nə edəcəyi haqda qəti fikir söyləyə bilmərəm”, – deyə o vurğulayıb.
Qeyd edək ki, A. Xramçikin məqaləsində Ermənistanın malik olduğu hərbi texnika haqda dəqiq məlumatlar dərc edib və bu göstəriciləri Azərbaycan Ordusu ilə müqayisə apararaq, “Ermənistan ordusu Qarabağda darmadağın ediləcək” fikrini irəli sürüb.
yk news tv
