• 27 Yanvar, 2016, 14:55
• Oxunma (120 Baxış)
• Siyasət
• • Tweet

Edvard Nalbandyan və Avropa İttifaqının nümayəndəsi Dağlıq Qarabağ münaqişəsini müzakirə ediblər

Ermənistan xarici işlər naziri Edvard Nalbandyan Avropa İttifaqının Cənubi Qafqaz və Gürcüstan üzrə xüsusi nümayəndəsi Herbert Zalberlə Ermənistan-Azərbaycan, Dağlıq Qarabağ münaqişəsinin tənzimlənməsi ilə bağlı müzakirələr aparıb.

APA-nın “armtoday.info” saytına istinadən verdiyi xəbərə görə, bu barədə Ermənistan XİN-in açıqlamasında deyilir.

Görüş zamanı Edvard Nalbandyan ötən ay Azərbaycan və Ermənistan prezidentləri arasında Berndə keçirilmiş görüşün yekunları barədə məlumat verib.

Öz növbəsində, Herbert Zalber Avropa İttifaqının bundan sonra da ATƏT-in Minsk qrupunun həmsədrlərinin fəaliyyətini dəstəkləməyə hazır olduğunu bildirib.

Tərəflər Ermənistan-Avropa İttifaqı əməkdaşlığı ilə bağlı da fikir mübadiləsi aparıblar.