Azərbaycana daha bir mötəbər yarış həvalə edilib.

Publika.az xəbər verir ki, 2018-ci ildə gimnastikanın batut növü üzrə Avropa çempionatı paytaxtımıza etibar olunub. Bu barədə qərar Avropa Gimnastika Federasiyasının İcraiyyə Komitəsinin Lozannada keçirilən iclasında verilib. Bədii gimnastika üzrə 3 dəfə qitə çempionatına ev sahibliyi edən ölkəmiz bu idman növü üzrə ilk dəfə belə yarışı təşkil edəcək.

Azərbaycan bunadək idman gimnastikası (19-21 fevral) və batut (5-6 mart) üzrə Dünya Kubokunun mərhələ yarışını qəbul edəcək. Bədii gimnastika üzrə analoji yarış isə Rio-de-Janeyro-2016 Olimpiya Oyunları ərəfəsində – iyulun 22-24-də Milli Gimnastika Arenasında baş tutacaq.