• 24 Yanvar, 2016, 22:08
• Oxunma (127 Baxış)
• BEYNƏLXALQ
• • Tweet

Sərkisyan İran prezidenti ilə nə barədə danışıb?

İran prezidenti Həsən Ruhani ilə onun erməni həmkarı Serj Sərkisyan arasında bu gün telefon danışığı olub.

Musavat.com-un məlumatına görə, zəngi Sərkisyan edib.

Erməni qaynağının məlumatına görə, tərəflər iki ölkə arasında əlaqələrin mövcud durumundan razılıq ifadə edib, regional və qlobal əhəmiyyət kəsb edən bir sıra aktual problemləri müzakirə ediblər. Həmçinin, əlaqələrin inkişaf perspektivindən danışıblar.

“Ruhani və Sərkustan zəruri iradə olarsa, danışıqlar yolu ilə istənilən məsələdə həll yolu tapmağın mümkünlüyünü qeyd ediblər ” – məlumatda deyilir.

İran prezidenti Ermənistanla əlaqələrin genişlənməsi və dərinləşməsi üçün əməkdaşlığa hazır olduğunu vurğulayıb.

Telefon danışığı zamanı qarşıdakı görüşlərin proqramları da müzakirə edilib.