Sergey Mironov: “İlk genosid ermənilərin kütləvi qırğını olub”
Rusiya siyasi aləminin görkəmli siması, dövlət xadimi, 10 il ölkə parlamentinin yuxarı palatası – Federasiya Şurasının sədri olmuş, Dövlət dumasının üzvü, “Ədalətli Rusiya” partiyasının sədri Sergey Mitonov haqqın.az saytına eksklüziv müsahibəsində Rusiya-Azərbaycan münasibətlərindən, Dağlıq Qarabağ probleminin həllinə dair şəxsi fikirlərindən və “erməni genosidi”nin inkarına görə cinayət məsuliyyətinin tətbiqi ilə bağlı təşəbbüsünün səbəblərindən danışıb.
Rusiya-Azərbaycan əlaqələrinin hazırkı durumundan danışan Mironov qeyd edib ki, bu iki ölkə arasılnda mövcud olan münasibətləri bərabərhüquqlu, strateji əməkdaşlıq edən dost ölkələrin nümunəsi adlandırmaq olar.
Duma üzvünün qeyd edib ki, son illər ərzində Rusiya şirkətlərinin Azərbaycana yatırdığı sərmayənin həcmi 1,8 mlrd dollara çatıb. Azərbaycan Rusiya iqtisadiyyatına birbaşa investisiyalarının həcmi isə 1 mlrd dollardan çoxdur.
Saytın müsahibi Azərbaycanda rus dilinə göstərilən qayğını xüsusilə qeyd edərək, bunun millətlərarası dialoqun qorubnub saxlanması üçün əhəmiyyətli olduğunu deyib.
Sergey Mironovun fikrincə, Dağlıq Qarabağ problemini həlli işində Rusiya fəal rol oynayır. Bu istiqamətdə ölkəsinin bütün mümkün üsullardan istifadə etdiyini deyən partiya sədri o cümlədən ən yüksək səviyyədə görüşlərin təşkil olunduğunu da xatırladıb.
Haqqın.az saytının «Nikolay Leviçev və siz «erməni genosidi»nin inkarına görə cinayət məsuliyyətinin tətbiqini ehtiva edən qanun layihəsinin müəllifisiniz. 1995-ci ildə Dövlət dumasının «erməni genosidi»ni tanıdığını nəzərə alsaq, bu qanunvericilik aktı nə dərəcədə aktualdir? Yoxsa bununla siz sadəcə münasibətlərinizin korlandığı Türkiyənin «aşına su qatmaq» istəyirniz? Belə bir qanun Rusiyada yaşayan azərbaycanlılarla ermənilər arasında münasibətlərin daha da kəskinləşməsinə gətirib çıxarmazmı?» sualına Mironov cavab verib ki, ilk «genosid» 1015-ci ildə Osmanlı imperiyasında ermənilərin, assuriyalıların və yunanların kütləvi qətliamı olub. «Bu, kütləvi fiziki məhvetmə və qaçılmaz ölümə gətirib çıxaran deportasiya yolu ilə həyata keçirilib», – RF Federasiya Şurasının keçmiş sədri belə deyib.
Mironov bildirib ki, bütöv bir xalqın sürətli kütləvi qirğını metodunu ilk dəfə məhz yenicə yaranmış türk hökuməti həyata keçirib ki, sonradan bu, Almaniyada nasist cinayətkarları tərəfindən öz tətbiqini tapıb.
«Ədalətli Rusiya» partiyasının sədri qeyd edib ki, sözügedən qanun layihəsinin irəli sürülməsi 2015-ci ildə baş vermiş hadisələrin məntiqi davamıdır. «Hələ 2015-ci ilə az qalmış partiyamız genosid probleminə həsr olunmuş böyük beynəlxalq konfrans keçirmişdi. Ötən ilin aprelində Rusiya parlamentinin aşağı palatası qardaş Ermənistana dərin hüznün ifadə olunduğu bəyanatı qəbul etdi və dünya ictimaiyyətini beynəlxalq mübahisələrin hərb yolu ilə deyil, danışıqlar yolu ilə həll olunmasına çağırdı. Aprel ayında Dövlət Dumasının nümayəndə heyəti Yerevanda və Moskvada matəm tədbirlərində iştirak etdi. Buna görə də, «erməni genosidi»nin inkarına görə cinayət məsuliyyətinin tətbiqini ehtiva edən qanun layihəsi 2015-ci ilin hadisələrinin məntiqi davamıdır. Bu qanunla bizim kiminsə «aşına su qatmaq» fikrimiz yoxdur», – Mironov belə deyib.
yk news tv
