Şuşadan dünyaya verəcəyimiz mesajlar çox önəmlidir – Ərdoğan

Ətraflı

Prezidentlər Şuşada “Xan qızı” BULAĞINDA

Ətraflı

Ərdoğan: “Şuşada Türkiyənin baş konsulluğunu açmağı planlaşdırırıq”

Ətraflı

İlham Əliyev Şuşa bəyannaməsinin əhəmiyyətindən danışdı

Ətraflı

Mehmandarovlar soyunun musiqiçi davamçısı

“Dirijorluq sənətində özümü sınamaq qərarına gəldim. Öz-özümə dedim ki, bir şey alınmasa, daha heç zaman bu sənətlə maraqlanmayacağam”.

Mustafa Mehmandarov ölkəmizdən kənarda təhsil alan istedadlı gənclərimizdəndir. Vyana Konservatoriyasının dirijorluq fakültəsində oxuyur. «Xəzər virtuozları» kamera orkestrinin bədii rəhbəri və dirijorudur. Bir sıra beynəlxalq uğurlara imza atıb.

– Mustafa bəy, siz məşhur Mehmandarovlar soyundansınız. Soyunuz, özünüz haqqında dilinizdən eşitmək istərdik.
– Ulu babam Kərim bəy Mehmandarov Sankt-Peterburq Tibb Cərrahlıq Akademiyasının məzunu, tanınmış həkim, «Difai» təşkilatının Şuşa şöbəsinin sədri olub. O, Azərbaycanın ilk alitəhsilli həkimlərindəndir. Məşhur general, Azərbaycan Xalq Cümhuriyyətinin ilk hərbi naziri Səməd bəy Mehmandarovun əmisi oğlu olub.
Mən 1992-ci ildə Bakıda dünyaya göz açmışam. 1998-2009-cu illərdə Ü.Hacıbəyli adına Bakı Musiqi Akademiyasının nəzdindəki Orta İxtisas Musiqi Məktəb-Studiyasında mərhum professor Bayandur Mehdiyevin sinfində skripka üzrə təhsil almışam. Sonra ixtisas müəllimim professor Zəhra Quliyeva olub. 2009-2013-cü illərdə Bakı Musiqi Akademiyasında təhsilimi davam etdirmişəm. 2007-ci ildə Bolqarıstanda keçirilən beynəlxalq müsabiqədə II yeri tutmuşam. 2011-ci ildə Lüksemburqda keçirilən beynəlxalq müsabiqədə qızıl medal və laureat adını qazanmışam. 2012-ci ildə İtaliya və Avstriyada düzənlənən beynəlxalq yarışmada birincilik əldə etmişəm. İndi «Caspian Virtuoses» («Xəzər virtuozları») kamera orkestrinin bədii rəhbəri və dirijoruyam.
– TÜRKSOY Gənclik Orkestrinin də üzvüsünüz. Orkestr haqqında nə deyə bilərsiniz?
– 2010-cu ildə TÜRKSOY təşkilatının gənc musiqiçilərdən ibarət kamera orkestri yaratdığını öyrəndim. Mən və iki həmkarım bu layihədə iştirak etmək üçün təklif aldıq. Böyük sevinc və maraq hissi ilə Ankaraya yola düşdük. Bizi orada yüksək səviyyədə qarşıladılar. TÜRKSOY-un bu layihəyə ayrıca diqqət göstərdiyini qeyd etmək gərəkdir. Təşkilatın baş katibi Düsen Kaseinovun bizə dəstəyi, qayğısı və nəzarəti ilk gündən hiss olunurdu. Onu da deyim ki, Düsen bəy də musiqiçidir, peşəkar skripkaçıdır. Onun musiqiçi olmağı, bu layihənin uğurlu alınmasına gətirib çıxardı.
Orkestrin dirijoru Qazaxıstanın Almatı Konservatoriyasının professoru Ənvər Əkbərovdur. Onunla çalışmaq bizim üçün hər zaman xoş olur. Ümumiyyətlə, kollektivimiz çox mehribandır. Orkestrimiz bir ailə kimidir. Bütün türk ölkələrindən gənc musiqiçiləri bir araya yığmaq çox maraqlı və faydalı oldu. Burada dünya şöhrətli bəstəkarların əsərləri ilə yanaşı, türk ölkələrində artıq klassiklərə çevrilmiş bəstəkarların əsərləri ilə də tanış oluruq. Sevinirəm ki, orkestrin repertuarında dahi bəstəkarlarımız Fikrət Əmirov, Qara Qarayev və Niyazinin əsərləri var. Bir çox uğurlu konsertlərimiz, xarici səfərlərimiz olub.
– Vyana Konservatoriyasının dirijorluq fakültəsində təhsil alırsınız. Belə nüfuzlu məktəbdə oxumaq hər kəsə nəsib olmur…
– Məndə dirijorluq sənətinə olan ciddi maraq, tələbəlik illərində başladı. Bu sənət maraqlı olmasına baxmayaraq, çətin və məsuliyyətlidir. Burada insanın bir çox xüsusi keyfiyyətləri olmalıdır. Beləliklə, özümü sınamaq qərarına gəldim. Öz-özümə dedim ki, bir şey alınmasa, daha heç zaman bu sənətlə maraqlanmayacağam. Belə demək olarsa, mənim birinci “imtahan”ım TÜRKSOY Kamera Orkestri ilə baş tutub. Bizim orkestr Almaniyanın cənubunda yerləşən Bayroyt şəhərində gənc musiqiçilər festivalında iştirak edirdi. Plan üzrə iki konsert olmalı idi. Birinci konsertimiz uğurla keçdi. İkinci konsertdən bir gün qabaq Ənvər bəy müəyyən səbəblərə görə konsertdə iştirak etməyəcəyini dedi. Orkestrin üzvləri qərara gəldilər ki, bu konsertə mən dirijorluq edim. Bunu gözləmirdim və doğrusu, çəkindim. Sonra düşündüm ki, əvvəl-axır özümü sınamalıyam. Əlbəttə, böyük həyəcanla səhnəyə çıxdım. Konsert çox uğurla keçdi. Bundan sonra bir-iki dəfə də özümü sınamaq üçün şansım oldu.
Mənim üçün ən əsas sınaq isə görkəmli dirijor, maestro Rauf Abdullayevin rəhbərliyi altında olub. Onun mənə verdiyi dirijorluq dərsləri, fikir və düşüncələri həyatımda böyük rol oynadı. Bu son sınaqdan uğurla çıxdığım üçün artıq Vyanadakı imtahanlara yollandım. Vyana Konservatoriyasının opera-simfonik dirijorluğu fakültəsinə daxil oldum. Hazırda burada təhsilimi davam etdirirəm.
– Vyana orkestri dünyada ən məşhur orkestrdir. Onlarla əlaqən varmı?
– Vyanada dünyaca məşhur iki simfonik orkestr var. Vyana Filarmonik Orkestri və Vyana Simfonik Orkestri. Bu kollektivlərin, xüsusilə Vyana Filarmonik Orkestrinin zəngin musiqi tarixi var. Bu orkestrlərlə çıxış etmək dünya şöhrətli dirijorlar, ifaçılar üçün böyük fəxrdir. Hələlik mənim bu kollektivlərlə əlaqəm yoxdur. Haçansa bu arzuma çatacağıma inanıram.
– Rəhbərlik etdiyiniz kamera orkestri haqqında nə deyə bilərsiniz?
– 2015-ci ilin fevral ayında Vyanada mənim təşəbbüsümlə «Xəzər virtuozları» kamera orkestri yarandı. Bu orkestrin başlıca xüsusiyyəti onun tərkibi və repertuarındadır. Orkestrdə bir çox ölkələrdən olan musiqiçilərlə yanaşı, Avropanın müxtəlif ölkələrində təhsil alan və çalışan istedadlı həmvətənlərimiz də toplaşıblar. Hər zaman çalışıram ki, yaddan çıxan, unudulan və yaxud hansısa səbəblərə görə ifa olunmayan əsərləri repertuara daxil edim. Bununla yanaşı, yeni, xüsusən Azərbaycan bəstəkarlarının əsərlərini ifa etməyi özümə borc bilirəm. Bilirsiniz, bunu mən etməsəm, hansısa əcnəbi musiqiçi edən deyil. Hesab edirəm ki, bütün azərbaycanlı musiqiçilər belə etməlidirlər. Əlbəttə, keyfiyyət yüksək səviyyədə olmaq şərti ilə.
«Xəzər virtuozları»nın ilk konserti Vyanada yerləşən Azərbaycan Mədəniyyət Mərkəzində oldu. Sonra biz Slovakiyanın paytaxtı Bratislavada Slovak Filarmoniyasında çıxış etdik. Vyanada son konsertimiz də uğurla keçdi. Çox istərdim ki, haçansa Bakıda da konsertimiz olsun.

S.Soltanlı

No Comments »

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Xəbər lenti

• 21.06.2021, 15:57

Şuşa rayonu üzrə 2021-ci ilin məhsulu üçün əkinlər yekunlaşmışdır

• 15.06.2021, 18:47

Müdafiə sənayesi sahəsində əlaqələrimiz fərqli şəkildə inkişaf edəcək – Ərdoğan

• 15.06.2021, 18:41

Şuşadan dünyaya verəcəyimiz mesajlar çox önəmlidir – Ərdoğan

• 15.06.2021, 18:39

Prezidentlər Şuşada “Xan qızı” BULAĞINDA

• 15.06.2021, 18:36

Ərdoğan: “Şuşada Türkiyənin baş konsulluğunu açmağı planlaşdırırıq”

• 15.06.2021, 18:34

İlham Əliyev Şuşa bəyannaməsinin əhəmiyyətindən danışdı

• 15.06.2021, 18:31

Əliyev Ərdoğanla “Zəngəzur dəhlizi” ilə bağlı razılaşma əldə edildiyini bəyan etdi

• 15.06.2021, 18:10

İlham Əliyev və Ərdoğan Şuşa bəyannaməsini imzaladı

• 11.06.2021, 17:02

Rusiyanın vasitəçilik səylərini yüksək qiymətləndiririk Azərbaycan Prezidenti

• 11.06.2021, 16:59

Daha bir qrup qazi yüksək texnologiyalı protezlərlə təmin olundu

• 11.06.2021, 16:54

NATO sammitində Qarabağ müzakirəsi… – Ərdoğan

• 11.06.2021, 16:44

Rektor: “ADPU-nun Ağcabədi filialını Şuşaya köçürmək istəyirik”

• 11.06.2021, 16:41

Ermənilər Monteyə Moskvada xatirə gecəsi keçirir

• 11.06.2021, 16:34

Azərbaycan və Ermənistan münasibətləri sıfırdan necə qurmalıdırlar?

• 11.06.2021, 16:32

“Gallup”un sorğusunda Koçaryan Paşinyanı üstələdi

• 11.06.2021, 16:28

Müharibə əlilləri bu rüsumlardan azad ediləcək

• 11.06.2021, 16:19

Bayden və Makronun Ərdoğanla görüşünün SİRLƏRİ AÇILDI: Qarabağa dönüş və Rusiyanın…

• 11.06.2021, 16:16

Ermənistan Ukraynanın ərazi bütövlüyünə qarşı ÇIXDI

• 11.06.2021, 16:13

Ərdoğan: “Şuşada İlham Əliyevlə saziş imzalayacağıq”

• 11.06.2021, 16:11

“15 iyun Azərbaycan xalqına bəxş olunan Qurtuluş Günüdür” ŞURA SƏDRİ ŞƏRH ETDİ

• 11.06.2021, 14:41

Füzulinin Gecəgözlü kəndi

• 09.06.2021, 15:44

Ərdoğan Şuşaya səfər edəcəyini söylədi – VİDEO

• 31.05.2021, 11:03

Düşmən təxribatlarının qarşısının alınması məqsədilə qətiyyətli addımlar atılsın və çevik tədbirlər görülsün – Zakir Həsənov

• 31.05.2021, 10:44

Zəngilanda erməni təxribat-diversiya qrupunun zərərsizləşdirilməsi xəbərləri həqiqəti əks etdirmir – DSX

• 27.05.2021, 11:45

28 May – Respublika Günü Azərbaycan xalqının tarixində ən əlamətdar günlərdən biridir

sorğu

İşğal olunmuş torpaqlarımızın azad olunacağına inanırsız?
Yanvar 2016
BE ÇA Ç CA C Ş B
« Dek   Fev »
 123
45678910
11121314151617
18192021222324
25262728293031