“Erməni düşüncə sistemi və ideologiyaları” mövzusunda növbəti diskussiya
16 yanvar 2016-cı il tarixində Bütöv Azərbaycan Ocaqlarının (BAO) Dil və Tarix Qurumunun (DTQ) təşkilatçılığı ilə “Erməni düşüncə sistemi və ideologiyaları” mövzusunda növbəti diskussiya keçirildi.
Tədbiri giriş sözü ilə BAO Dil və Tarix Qurumunun üzvü Elmar Həsənli açdı. Sonra onun təklifi ilə 20 yanvar şəhidlərinin xatirəsi bir dəqiqəlik sükutla yad edildi.
Daha sonra tarixçi alim Qafar Çaxmaqlı mövzu üzrə geniş məruzə ilə çıxış etdi.
O, Ermənilərin etnik və siyasi tarixi və ərazi iddiaları geniş məlumat verdi: ”Ermənilərin adı yaşadıqları ərazinin adından götürülüb. Onları öz adları haydır. Müasir erməni və qrabar dilləri biri-birindən kəskin fərqlənir. Ermənilərin 1918-ci ilə qədər heç vaxt müstəqil dövlətləri olmamış, ancaq başqa dövlətlərin tərkibində yaşamış və ya onların vassalı olmuşlar. XX əsrə qədər ermənilərin hətta Qafqazda dövlət qurmaq məqsədləri olmayıb. Bunu Çar Rusiyası da istəməmişdir. Bu vaxta qədər ermənilər yalnız Şərqi Anadolu ərazisində dövlət qurmaq istəmişlər. Çar Rusiyası da buna çalışmışdır. I Dünya Müharibəsindən sonra Ermənilərin bu arzusu puça çıxmışdır və yalnız Qafqazda tarixi Azərbaycan ərazisində Rusiyanın köməşyi ilə dövbətə sahib olmuşlar. Lakin Şərqi Anadolu ərazisinə bu gün də ərazi iddiaları var və özləri üçün mühasir parlamenti də yaradıblar”.
Məruzəçi həmçinin qondarma erməni soyqırımı məsələsinə də toxundu: “Bu gün ermənilər bütün dünyada qondarma erməni soyqırımını qəbul etbdirməyə çalışır. İlk dəfə bunu Uruqvayda rüşvətlə qəbul etdiriblər. Onlar qondarma erməni soyqırımı haqqında Avropada minlərlə kitab buraxmışlar. Əslində 1915-ci ildə ermənilər soyqırıma yox, köçürmə siyasətinə məruz qalmışlar.
Daha sonra Dilavər Əzimli, Bəxtiyar Tuncay, Rizvan Hüsyn, İbrahim İbrahimli, Nəcəfalı Cahangirli, Oqtay Daşoğuz, Aydın Mədətoğlu və b. məruzəçiyə verdikləri suallar və mövzu ətrafında irəli sürdükləri fikirlərlə diskussiyanı davam etdirdilər.
FOTOLAR:
yk news tv
