Rusiya Ermənistandakı aviabazasında “qırıcı sınaqları” na start verdi
Rusiya pilotları Ermənistanın "Erebuni" təyyarə bazasında Miq-29 qırıcıları ilə uçuşlar keçirirlər.
ANS PRESS-in məlumatına görə, bu barədə Rusiya Cənub hərbi darəsinin mətbuat xidməti xəbər verib.
Uçuşlar əsasən yüksək hündürlüklərdə mürəkkəb hava şəraitində keçirilir. "Yerinə yetirilən uçuşların əsas xüsusiyyəti gənc pilotlara məhdudlaşdırılmış uçuş zolağını başa salmaq və qırıcıların dövlət sərhədinə yaxın ərazidə enişini öyrətməkdir. Pilotlar tərəfindən uçuşların həyata keçirilməsi 10 saatdan çox, ümumilikdə 30 uçuşa qədər nəzərdə tutulub", – deyə məlumatda bildirilir.
Mi 24P – hücum helikopteri
Məşqlərin başlanğıcında pilotlar uçuş və enmə üzrə normativləri yerinə yetirəcəklər. Həmçinin müəyyən edilmiş marşrutlar üzrə dağlıq ərazilərdə uçuşlar olacaq. Fevralın ortasından pilotlar qrup halında dağlıq yerlərdə sadə və mürəkkəb idarəetməni yerinə yetirməyə başlayacaqlar.
Xatırladaq ki, bir neçə gün öncə Rusiya Ermənistanda yerləşən hərbi bazasını gücləndirib. Ermənistanın paytaxtı İrəvanda yerləşən Erebuni hərbi bazasına 7 ədəd müasir Mi 24P hücum və Mi-8 MT nəqliyyat helikopteri göndərilib. Helikopterləri bazadakı MiQ-29 qırıcılarının xüsusi dayanacağında yerləşdiriblər. Yaxın bir ay ərzində helikopterlərə baxış keçiriləcək və pilotlar sınaq uçuşları həyata keçirməyə başlayacaqlar.
Erebuni hərbi bazası xəritədə
Rusiya Cənub hərbi darəsinə aid hərbi baza Erebunidə 1995-ci ildə formalaşdırılıb. 1998-ci ildə bazaya Rusiyadan MiQ- 29 qırıcıları dislokasiya edilib. 2001-ci ildə Erebunidə yerləşən hərbi hissələrdən aviasiya bazası formalaşdırılıb ki, bu baza da Gümrüdə yerləşən hərbi bazanın hava komponetninə çevrilib.
yk news tv
