• 11 Yanvar, 2016, 13:44
• Oxunma (161 Baxış)
• head carousel, Siyasət
• • Tweet

Rus patriarxı “erməni soyqırımı”nı inkar etdi

Rus Pravoslav Kilsəsinin rəhbəri patriarx Kiril “erməni soyqırımı”nı inkar edib.

Publika.az xəbər verir ki, patriarx “Rossiya1” kanalında məşhur aparıcı Dmitri Kiselyova müsahibəsində Osmanlı imperiyasında olan xristian azlıqlarının məhv edilmədiyini bildirib.

Patriarx Kiril Yaxın Şərqdəki xristianların vəziyyəti, xristianlar və müsəlmanlar arasındakı münasibətlərdən danışıb. O, Suriya, İraqda və Yaxın Şərqin digər ölkələrində xristianların vəziyyətinin son dərəcə mürəkkəb olduğunu deyib.

Patriarx Kiril qeyd edib ki, tarixdə İslam dünyasında hazırkı hadisələrə bənzər proseslər heç vaxt baş verməyib. O, nümunə olaraq Osmanlı imperiyasını göstərib: “Məsələn, Osmanlı imperiyasında da xristian azlıqlar olub. Amma onları heç kim məhv etməyib”.

Qeyd edək ki, Rusiya Dövlət Duması Osmanlı imperiyasında 1915-ci ildə baş verən hadisələrlə bağlı ermənilərin irəli sürdüyü iddiaları “soyqırım” kimi tanıyıb. Kiril sonuncu müsahibəsi ilə ermənilərin qondarma iddialarını qəbul etmədiyini bildirib.