Rusiya-Türkiyə gərginliyi davam edəcək: Ermənistana “İskəndər” gətirilə bilər
"Moskva müqaviləsinə yendiən baxıla bilər"
Türkiyə sərhədlərinə daxil olan Rusiyaya məxsus hərbi təyyarəni vurduqdan sonra iki ölkə arasında yaşanan gərginlik fonunda Kremlin Ermənistana aşkar hərbi dəstəyinin artdığı müşahidə olunmaqdadır.
Modern.az xəbər verir ki, rusiyalı hərbi ekspert Vladimir Yevseyev “Azadlıq” radiosunun Ermənistan xidmətinə müsahibəsində Moskvanın Yerevana diqqətinin artacağını qeyd edib.
Onun fikrincə, Rusiya-Türkiyə gərginliyi azı iki il davam edəcək və Rusiya Ermənistanda hərbi bazaların gücləndirilməsi ilə daha çox məşğul olacaq. O, Rusiyanın Ermənistana hərbi helikopterlər göndərməsinin hələ ilk addım olduğunu vurğulayıb.
“Helikopterlər ilk addımdır. Hava hücumundan yeni müdafiə sistemləri də olacaq. Ümid edirəm ki, Rusiya Ermənistana “İskəndər” raketləri də gətirəcək”,-deyə o bildirib.
Vladimir Yevseyev qeyd edib ki, Kremlin Ermənistanla bağlı öhdəlikləri var.
“Bununla Rusiya Türkiyədən gələn təhlükəni neytrallaşdırmalıdır. Rusiya Türkiyəyə qarşı hərbi hərəkətlərə getməyəcək, amma Ankaranın yeni provakasiyalara əl atacağı istisna deyil”.
Ekspert deyib ki, Rusiya Türkiyə ilə 1921-ci ildə imzaladığı Moskva müqaviləsinə yenidən baxa bilər.
O, Dağlıq Qarabağ münaqişəsi ilə bağlı vəziyyətdən söz açıb və konflikt ətrafında situasiyanın mürəkkəbləşdiyini diqqətə çatdırıb.
yk news tv
